ფულადსაკრედიტო სისტემაში დანაშაული 19.5 %-იან კლებას აჩვენებს.
შსს-ს ვებგვერდზე გამოქვეყნებული სტატისტიკის მიხედვით, იანვარ-სექტემბერში ფულადსაკრედიტო სისტემაში 388 ერთეული დანაშაული დაფიქსირდა, მაშინ როდესაც 2022 წლის ანალოგიური პერიოდის სტატისტიკით 482 ერთეული დანაშაული იყო დაფიქსირებული,მ შესაბამისად კლება 19,5%-ის დონეზეა.
რაც შეეხება მიმდინარე მაჩვენებლებს, დაფიქსირებული 388 დანაშაულიდან გახსნილია 151 ერთეული, ანუ 38.92%.
აღნიშნული მუხლის დანაშაულში კი ყველაზე მეტი მაინც ყალბი საკრედიტო ან საანგარიშსწორებო ბარათის დამზადება, გასაღება ან გამოყენებაზე მოდის.
მიმდინარე წლის 9 თვეში ამ მიმართულებით რეგისტრირებულია 166 დანაშაული, საიდანაც 35.54% უკვე გახსნილია.
ამასთან, ყალბი საკრედიტო ან საანგარიშსწორებო ბარათის დამზადება, გასაღება ან გამოყენების მიმართულებით სამართალდარღვევების ფაქტები გასული წლის ანალოგიურ პერიოდთან შედარებით 13.09%-იან კლებას აჩვენებს.
გასულ წელთან შედარებით 46.91%-იანი კლებაა ყალბი ფულის ან ფასიანი ქაღალდის დამზადება ან გასაღებაში. სამაგიეროდ 93.75%-იანი ზრდაა კრედიტის უკანონოდ მიღების მიმართულებით რეგისტრირებულ დანაშაულებში.
2023 წლის იანვარ-სექტემბერში კრედიტის უკანონოდ მიღების 93 ფაქტი ფიქსირდება, მაშინ როდესაც 2022 წლის ანალოგიურ პერიოდში ეს მაჩვენებელი იყო 48.
დანაშაული ფულადსაკრედიტო სისტემაში (მუხლი 208-213)
უახლესი
12 საათის წინ
თიბისი ბიზნესი განაგრძობს ბიზნეს განათლების სერიებს13 საათის წინ
ფეროშენადნობების ექსპორტი 102%-ითაა გაზრდილი
