ევროკავშირიდან იმპორტი 16%-ითაა გაზრდილი

ევროკავშირიდან იმპორტი 16%-ითაა გაზრდილი. საქსტატის ინფორმაციით, 2024 წლის იანვარ-ნოემბერში საქართველომ ევროკავშირიდან 4,007,562.87 ათასი დოლარის პროდუქცია იყიდა, 2023 წლის ანალოგიურ პერიოდში კი 3,467,204.98 ათასი დოლარის. ევროკავშირთან საქართველოში ნომერ პირველი საიმპორტო პროდუქტი წლებია მსუბუქი ავტომობილებია.

TOP 5 პროდუქტი, რასაც საქართველო ევროკავშირიდან ყიდულობს:

• მსუბუქი ავტომობილები - 706,449.47 ათასი დოლარი,
• ნავთობი და ნავთობპროდუქტები - 402,077.45 ათასი დოლარი,
• სამკურნალო საშუალებები დაფასოებული - 270,240.00 ათასი დოლარი,
• სატვირთო ავტომობილები - 98,248.26 ათასი დოლარი,
• სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 75,371.34 ათასი დოლარი.

რაც შეეხება ევროკავშირში ექსპორტს, აქ კლება 24%-ია. 2024 წლის 11 თვეში საქართველომ ევროკავშირის ქვეყნებში 510,406.68​ ათასი დოლარის პროდუქცია გაყიდა, 2023 წლის ანალოგიურ პერიოდში კი 669,168.89 ათასი დოლარის.

ევროკავშირში ნომერ პირველი საექსპორტო პროდუქტი დღეისათვის თხილი და კაკალია.

TOP 5 პროდუქტი, რასაც საქართველო ევროკავშირში ყიდის:

• თხილი და სხვა კაკალი - 55,382.81 ათასი დოლარი,
• მადნები და კონცენტრატები სპილენძის - 54,782.57 ათასი დოლარი,
• მადნები და კონცენტრატები ძვირფასი ლითონებისა - 39,840.31 ათასი დოლარი,
• ყურძნის ნატურალური ღვინოები - 30,847.38 ათასი დოლარი,
• ნავთობი და ნავთობპროდუქტები - 30,581.01 ათასი დოლარი.