საქართველოში Specialty ყავის წარმოება პირველებმა დავიწყეთ, წლიური წარმადობა 40 ტონაა - Coffee LAB

„ყავის ლაბორატორია“ Coffee LAB - პირველი კომპანიაა, რომელმაც ქართულ ბაზარზე Specialty ყავის წარმოება დაიწყო. ამ მიმართულებით კომპანია საშუალოდ წელიწადში 40 ტონა მწვანე მარცვალს ხალავს და აწარმოებს, როგორც საცალო ისე კორპორაციული ბიზნესისთვის“, - ამის შესახებ Business Insider Georgia-ს „ყავის ლაბორატორიის“ დამფუძნებელმა გიორგი აივაზიანმა განუცხადა.

კომპანიაში აცხადებენ, რომ „ყავის ლაბორატორიის“ coffee shop-ების მიმართულებით ქსელს ავითარებენ და ამ ეტაპზე ბიზნესი 6 ფილიალით არის წარმოდგენილი, რომელიც 2024 წელს დაახლოებით 400 000-მდე სერვისს მოემსახურა. (ყაზბეგის 27, ჭავჭავაძის 37, ფალიაშვილის 24, ლისის ტბა, სითი მოლი-საბურთალო, ბაზარი ორბელიანი).

„Coffee Shop-ების მიმართულება მომხმარებლისთვის ერთდროულად აერთიანებს როგორც საუკეთესო ყავის მენიუს, სრულად ბარის მენიუს,  სამზარეულოს მენიუს, რომელსაც შეფების და სამზარეულოს დიდი გუნდი მართავს და უგემრიელეს ბეიქერის მიმართულებას, ძალიან ვამაყობთ, რომ გვაქვს საკუთარი ბეიქერი, რომლის გუნდიც მუდმივად განსხვავებულ და უმაღლესი ხარისხის პროდუქციას ქმნის Coffee Lab-ის მომხმარებლებისთვის“, - აცხადებენ კომპანიაში.

ყავის ლაბორატორია- Coffee LAB მომხმარებლისთვის საქართველოს ბაზარზე წარმოადგენს მსოფლიოში წამყვან 20-მდე საერთაშორისო ყავის ტექნიკის და აქსესუარების ბრენდებს, როგორიცაა: Melitta, Mahlkonig, Fellow, Timemore, Hario, Scott, AeroPress, Huskee და სხვა. 

ამასთან, Business Insider Georgia-სთან „ყავის ლაბორატორიის“ დამფუძნებელი გიორგი აივაზიანი კომპანიის კონკურენტულ უპირატესობაზე საუბრობს:

„პიონერები ვართ Specialty ყავის მოხალვაში. ამ პერიოდში ყავის მოხალვისა და შერჩევის ისეთი კომპეტენცია დავაგროვეთ, რომელიც ჩემი შეფასებით ბაზარზე ჯერ-ჯერობით არ არის. ასევე ჩვენ გვაქვს კოფი შოპის ყველაზე დიდი ქსელი, რომელიც 6 ფილიალს მოიცავს, სადაც საკმაოდ დიდი სივრცეებია. ყავის ხარისხთან ერთად დიდ ყურადღებას ვანიჭებთ სამზარეულოს, პროფესიონალი გუნდი გვყავს და გვაქვს მრავალფეროვანი კერძები, რაც არის ერთ-ერთი მიზეზი, თუ რატომ სტუმრობენ „ყავის ლაბორატორიას“. ასევე „ყავის ლაბორატორია“ სოლიდურადაა წარმოდგენილი B2B მიმართულებით. ვაწვდით 250-ზე მეტ პარტნიორ კომპანიას ყავას, ტექნიკას, შემდეგ კი სერვისს ვუწევთ ტექნიკის და ბაზრის დიდი ნაწილი გვაქვს დაკავებული ჰორეკა სეგმენტის. ჩვენი დამკვეთები არიან კაფეები,რესტორნები და ასევე ოფისები. ამასთან, ჩვენ გვაქვს ტექნიკის საკმაოდ დიდი პორტფელიო და ბევრი კომპანიის წარმომადგენელი ვართ საქართველოში. ყველა მასშტაბის ტექნიკა გვაქვს. მათ შორის „მაკდონალდსს“ ვაწვდით ყავის აპარატებს“, - აცხადებს გიორგი აივაზიანი.

საცალო მიმართულებასთან ერთად კომპანიამ 2016 წლიდან აქტიურად განავითარა B2B მიმართულება, რომელიც კორპორაციულ და Horeca სექტორს სთავაზობს მაღალი ხარისხის Specialty ყავას, მსოფლიოს წამყვანი ბრენდის ყავის ტექნიკას და საუკეთესო სერვისს. B2B მიმართულებით ყავის ლაბორატორია 400-მდე Horeaca და კორპორაციულ პარტნიორს აერთიანებს.

„ჩვენი მთავარი პროდუქტიდან გამომდინარე, ცხადია ყველაზე დიდი წილი მოდის Specialty ყავის მარცვლის მოხმარებაზე, რომელიც ნაწილდება როგორც კომპანიის 6 ფილიალზე ისე კორპორაციული მიმართულებით სხვადასხვა პარტნიორ კომპანიებთან“, -  განაცხადა გიორგი აივაზიანმა.

„ყავის ლაბორატორია“ Coffee LAB - 2016 წელს შეიქმნა და უკვე რვა წელია წარმოდგენილია ქართულ ბაზარზე, როგორც ლიდერი ბრენდი Specialty Coffee-ს მიმართულებით, კომპანიის გუნდი 150 თანამშრომელს აერთიანებს როგორც ყავის წარმოების, ისე საცალო და B2B მიმართულებით.