კონკურენციისა და მომხმარებლის დაცვის სააგენტოში წელს უკვე 1000 გადააჭარბა მომხმარებელთა მხრიდან დაფიქსირებული განაცხადების რაოდენობამ, - ამის შესახებ „იმედის დილაში“ რუბრიკა Business Insider Georgia-ში სტუმრობისას საქართველოს კონკურენციისა და მომხმარებლის დაცვის სააგენტოს ხელმძღვანელმა ირაკლი ლექვინაძემ განაცხადა.
მისი თქმით, მომხმარებელთა უფლებების დაცვის კუთხით სააგენტო უკვე ორი წელია ინტენსიურად მუშაობს.
„მეორე სრული წელია რაც მომხმარებელთა უფლებების დაცვის კუთხით სრულყოფილად ვმუშაობთ. წელს 1000 გადააჭარბა უკვე განხილული განაცხადების რაოდენობამ. ერთ-ერთი ბოლო საკითხი, რომელიც რამდენიმე დღის წინ დავამტკიცეთ ეს იყო გაიდლაინი ფასების მითითებასთან დაკავშირებით.
ფასისი მითითება სოციალურ ქსელებში, მენიუებში, სხვადასხვა ტიპის შემოთავაზებებში არის ძალიან მნიშვნელოვანი. გაიდლაინში კარგადაა გაწერილი თუ როგორ უნდა იყოს მითითება ფასთა კლების დროს, როგორ უნდა იყოს ფასი მენიუსა და სოციალურ ქსელში ფასი წარმოდგენილი.
ჯამში თუ წლიურ სტატისტიკას შევხედავთ, ონლაინ განაცხადებია უმეტესობა რაზეც გვიწეს რეაგირება, რადგან ონლაინ ვაჭრობას ეხება. ნებისმიერ მომხმარებელს შეუძლია მოგვმართოს და ჩვენ ვაგრძელებთ აქტიურად ჩართულობას, მუშაობას იმისთვის, რომ მომხმარებელთა უფლებები იყოს აქტიურად დაცული. მე ვფიქრობ, რომ ძალიან ბევრ მოვაჭრეს, ძალიან ბევრ მომხმარებელს ვისაც აქვს გამოცდილება ჩვენთან ურთიერთობის საკმაოდ სარგებლიანი შედეგი აქვთ ამ კუთხით“, - განაცხადა ირაკლი ლექვინაძემ.
უახლესი
