ჩინეთიდან იმპორტი 51%-ით გაიზარდა

საქართველოდან ჩინეთში ექსპორტი 10%-ითაა შემცირებული, ხოლო იმპორტი 51%-ით გაიზარდა.

საქსტატის ინფორმაციით, 2025 წლის იანვარში საქართველომ ჩინეთში 18,062.60 ათასი დოლარის პროდუქცია გაყიდა, 2024 წლის ანალოგიურ პერიოდში კი 19,986.26 ათასი დოლარის. კლება 9,6%-ია. საქართველოდან ჩინეთში ნომერ პირველი საექსპორტო პროდუქტი ძვირფასი ლითონების მადნები და კონცენტრატებია. 

TOP 5 პროდუქტი, რასაც საქართველო ჩინეთში ყიდის:

• მადნები და კონცენტრატები ძვირფასი ლითონებისა - 9,501.65 ათასი დოლარი;
• მადნები და კონცენტრატები სპილენძის - 3,353.65 ათასი დოლარი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი - 1,672.34 ათასი დოლარი;
• კოჭა, ზაფრანა, ურცი, დაფნის ფოთოლი, კარი და სხვა სანელებლები - 1,096.10 ათასი დოლარი;
• ყურძნის ნატურალური ღვინოები - 1,059.15 ათასი დოლარი;

რაც შეეხება ჩინეთიდან იმპორტს, 2025 წლის იანვარში საქართველომ ჩინეთიდან 115,654.35 ათასი დოლარის პროდუქცია იყიდა, 2024 წლის პირველ თვეში კი 76,721.98 ათასი დოლარის. ზრდა 50,7%-ია. ჩინეთიდან საქართველოში ნომერ პირველი საიმპორტო პროდუქტი მაცივრებია.

TOP 5 პროდუქტი, რასაც საქართველო ჩინეთიდან ყიდულობს:

• მაცივრები, საყინულეები და სხვა სამაცივრო ან საყინულე მოწყობილობები - 3,781.31 ათასი დოლარი;
• რეზინის პნევმატური სალტეები და საბურავები, ახალი - 3,331.03 ათასი დოლარი;
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 3,238.83 ათასი დოლარი;
•  ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 3,098.42 ათასი დოლარი;
• მსუბუქი ავტომობილები - 2,668.48 ათასი დოლარი;