სამშენებლო კომპანია „არქიმ“ და მსოფლიოში ლიდერმა აუდიტორულმა კომპანია დელოიტმა აუდიტის მომსახურების ხელშეკრულება გააფორმეს. ამის შესახებ ინფორმაცია კომპანიის Facebook-ზეა ხელმისაწვდომი.
„დელოიტი“ დიდი ოთხეულის წევრი კომპანიაა, რომელიც „არქის“ და მის ჯგუფში შემავალ კომპანიების ფინანსური ანგარიშგების საერთაშორისო სტანდარტების შესაბამისად მომზადებული კონსოლიდირებული ფინანსური ანგარიშგების აუდიტს განახორციელებს, - ნათქვამია კომპანიის მიერ გავრცელებულ ინფორმაციაში.
„არქი“ ადგილობრივ ბაზარზე 2006 წლიდან ოპერირებს და უკვე 36 000-ზე მეტ არქელს ერთ დიდ ოჯახად აერთიანებს. კომპანიის უმთავრესი საქმიანობა სამშენებლო და დეველოპერული პროექტებია. დღეს არქი საქართველოში ლიდერი დეველოპერული კომპანიაა, რომელსაც დასრულებული აქვს 49 პროექტი, მათ შორის ერთ-ერთი გამორჩეულია საერთაშრისო სტანდარტის აპარტოტელი მაღალ მთიან კურორტ ბაკურიანში. დასრულებული პროექტების საერთო სამშენებლო ფართი 955 000 კვ.მ-ს შეადგენს. ამ ეტაპზე 22 პროექტი შენდება, მათ შორისაა ბრენდული სასტუმრო შავი ზღვის კურორტ ბათუმში.
უახლესი
