2025 წლის აჭარის რესპუბლიკური ბიუჯეტის ასიგნებები 908 520 000 ლარს შეადგენს - სამინისტრო

2025 წლის რესპუბლიკური ბიუჯეტის ასიგნებები 908 520 000 ლარს შეადგენს. ბიუჯეტის გადასახდელების საპროგნოზო მაჩვენებელი 28 420 000 ლარით გაიზარდა. ამის შესახებ ინფორმაციას აჭარის ფინანსთა და ეკონომიკის სამინისტრო ავრცელებს. 

ბიუჯეტის შემოსულობების საპროგნოზო მაჩვენებელი 65 220 000 ლარით იზრდება და 865 320 000 ლარს შეადგენს.

არაფინანსური აქტივების კლება 65 220 000 ლარით იზრდება და 180 220 000 ლარს შეადგენს.

2025 წლის რესპუბლიკური ბიუჯეტის გადასახდელები მხარჯავი დაწესებულებების მიხედვით გადანაწილდა:

• აჭარის ფინანსთა და ეკონომიკის სამინისტრო - 150 029 000 ლარი
• აჭარის ჯანმრთელობისა და სოციალური დაცვის სამინისტრო - 80 500 000 ლარი
• აჭარის სოფლის მეურნეობის სამინისტრო - 36 820 600 ლარი
• აჭარის განათლებისა და სპორტის
• სამინისტრო - 116 319 900 ლარი
• აჭარის კულტურის სამინისტრო- 44 482 700 ლარი

ბიუჯეტის ცვლილების პროექტი აჭარის ფინანსთა და ეკონომიკის მინისტრმა ჯაბა ფუტკარაძემ აჭარის უმაღლესი საბჭოს ადამიანის უფლებათა დაცვის საკითხთა და ჯანმრთელობის დაცვისა და სოციალურ საკითხთა კომიტეტების გაერთიანებულ სხდომზე, ასევე საკონსტიტუციო, იურიდიულ და საპროცედურო საკითხთა და აგრარულ და გარემოს დაცვის საკითხთა კომიტეტების ერთობლივ სხდომაზე წარადგინა.