კლინიკების საერთაშორისო აკრედიტაციის ვალდებულების შესახებ რეკომენდაცია დიდი ხნის წინ იყო გაცემული, რომ ქვეყანაში აუცილებლად უნდა არსებობდეს სტანდარტი, რასაც კლინიკა უნდა აკმაყოფილებდეს, თუნდაც ეროვნულ დონეზე და საერთაშორისოზე მით უმეტეს, შესახებ ჯანდაცვის მინისტრმა, ზურაბ აზარაშვილმა „ქრონიკაში“ განაცხადა.
„მიმდინარე წლიდან დავნერგეთ ამის ვალდებულება და ხვალ უკვე ბოლო დღეა - კლინიკებმა უნდა წარმოადგინონ დადებული კონტრაქტები საერთაშორისო მაკრედიტირებლებთან. 2024 წლის ბოლოსთვის ვისაც ექნება აკრედიტაცია გავლილი, მხოლოდ მათ შეეძლებათ საყოველთაო ჯანდაცვის პროგრამაში მონაწილეობა. ეს ყველაფერი ერთობლიობაში მოგვცემს შედეგს, რომ ხარისხიანი ჯანდაცვა მივაწოდოთ ჩვენს მოქალაქეებს და ასევე ხელმისაწვდომობის კუთხით ვიზრუნოთ იმაზე, რომ ჯიბიდან გადახდები მაქსიმალურად შემცირდეს და საბოლოო ჯამში, ჩვენი მოქალაქეები კმაყოფილები იყვნენ“, -აღნიშნა მინისტრმა.
უახლესი
