„ვისოლ ჯგუფი“ ფასიანი ქაღალდების გამოშვებაზე მუშაობს

„ვისოლ ჯგუფი“ კაპიტალის ბაზარზე შესვლას გეგმავს. როგორც „ვისოლ ჯგუფის“ პრეზიდენტმა სოსო ფხაკაძემ ჟურნალისტებთან საუბრისას განაცხადა.

მისი თქმით, აღნიშნული მიმართულებით მუშაობა მიმდინარეობს.

„საუბარია ჩვენს ჯგუფში შემავალ კომპანიებზე, რა საკვირველია ამაზე ვმუშაობთ“, - განაცხადა ჟურნალისტებთან „ვისოლ ჯგუფის“ პრეზიდენტმა.

შეგახსენებთ, რომ დღეს BDO Georgia-მ გამოაქვეყნა ინფორმაცია, სადაც აღნიშნულია, რომ „კაპიტალის ბაზრის მხარდაჭერის პროგრამა“, რომელსაც BDO 18 თვის განმავლობაში Galt & Taggart - გალტ & თაგარტითან, EBRD - Advice for Small Businesses - კონსულტაციები მცირე ბიზნესისათვის ერთად და European Union in Georgia-ის ფინანსური მხარდაჭერით ახორციელებდა, წარმატებით დასრულდა.

Capital Market Support პროგრამის შედეგად ბაზარზე 11 ახალი მოთამაშე გამოჩნდა. მათ შორის 3 მწვანე, 1 სოციალური ბონდი, 1 კი - მდგრადობასთან დაკავშირებული ობლიგაცია განთავსდა.

პროგრამის დასრულების შემდეგ 7 გამარჯვებული კომპანია გამოვლინდა:

• საქართველოს განახლებადი ენერგიის კომპანია
• Crystal • კრისტალი
• Tegeta • თეგეტა
• TBC Leasing - თიბისი ლიზინგი
• MBC • ემბისი
• Rico Credit/რიკო კრედიტი
• ენერჯი დეველოპმენთ ჯორჯია