სოხუმის აეროპორტის რეკონსტრუქციისათვის 11 მილიარდი რუბლი იქნება საჭირო, ამის შესახებ ოკუპირებული აფხაზეთის რესპუბლიკის ვიცე-პრემიერმა და ეკონომიკის მინისტრმა ქრისტინა ოზგანმა დე ფაქტო პრეზიდენტ ასლან ბჟანიასთან შეხვედრაზე განაცხადა.
„[აეროპორტის რეკონსტრუქციის] პროექტი განხორციელების პროცესშია, ექსპლუატაციაში შესვლის თარიღი 2024 წლის დეკემბერია. ინვესტიციების მოცულობა 11 მილიარდი რუბლი“, - ციტირებს ოზგანს დე ფაქტო პრეზიდენტის პრესსამსახური.
პროექტის მიხედვით, აეროპორტის რეკონსტრუქციის შემდეგ, 3100 მ სიგრძისა და 45 მ სიგანის ასაფრენი/დასაფრენი ბილიკი თანამედროვე თვითმფრინავების მიღებას შეძლებს. ასევე აშენდება ახალი სამგზავრო ტერმინალი, გარემონტდება აეროპორტის ისტორიული შენობა, სადაც იგეგმება ოფიციალური პირებისა და დელეგაციების მომსახურება. ახალი აეროპორტის კომპლექსის გამტარუნარიანობა იქნება საათში 1300 მგზავრი იქნება.
სოხუმის აეროპორტის რეკონსტრუქციას რუსული კომპანია „ინფრასტრუქტურის დეველოპმენტი“ განახორციელებს. 27 ოქტომბერს აფხაზეთის დე ფაქტო მთავრობამ და შპს „ინფრასტრუქტურის დეველოპმენტმა“ გააფორმეს სახელმწიფო-კერძო პარტნიორობის ხელშეკრულება, რომლის მიხედვითაც სახელმწიფო ინარჩუნებს მფლობელობას აეროპორტის, აეროპორტის ინფრასტრუქტურისა და ისტორიული ტერმინალის შენობაზე.
სოხუმის აეროპორტის ფუნქციონირების აღდგენის საკითხი 2020 წლის ნოემბერში სოჭში რუსეთისა და აფხაზეთის დე ფაქტო პრეზიდენტების ვლადიმერ პუტინისა და ასლან ბჟანიას შეხვედრაზე განიხილეს.
უახლესი
4 საათის წინ
Bitcoin-ის ფასი რეკორდული ზრდის შემდეგ ეცემა13 საათის წინ
ლარი აშშ დოლართან და ევროსთან გამყარდა15 საათის წინ
წელს ქვეყანამ 90 მლნ დოლარის შოკოლადი იყიდა
