საქართველოში რეგისტრირებული ავტომობილების მხოლოდ 7%-ია დაზღვეული

საქართველოს მოსახლეობის 20% სარგებლობს სამედიცინო დაზღვევით, ხოლო საქართველოში რეგისტრირებული ავტომობილების მხოლოდ 7%-ია დაზღვეული. ამის შესახებ დაზღვევის სახელმწიფო ზედამხედველობის სამსახურის მიერ გამოქვეყნებული 2024 წლის ბაზრის სტატისტიკური მაჩვენებლებიდან ხდება ცნობილი. 

ირკვევა, რომ 2024 წლის 31 დეკემბრის მდგომარეობით, მოქმედი პოლისების რაოდენობამ 138,219 ერთეული შეადგენდა, რაც 2023 წლის მაჩვენებლებთან  შედარებით 10%-იანი ზრდაა, ხოლო 2022 წლის მაჩვენებლებთან 21%-იანი მატება.

დაზღვევის სახელმწიფო ზედამხედველობის სამსახურის ინფორმაციით, 2023 წლის ბოლოსათვის სახმელეთო სატრანსპორტო საშუალებათა დაზღვევის კუთხით აქტიური იყო 126,065 პოლისი, ხოლო 2022 წლის ბოლოსათვის - 114,447 პოლისი.

რაც შეეხება სამედიცინო დაზღვევას, 2024 წლის 31 დეკემბრის მდგომარეობით მოქმედი პოლისების რაოდენობა იყო  741,174 ერთეული, მაშინ როდესაც 2023 წლის ბოლოს ამ პოლისებს რაოდენობა 720,944 ერთეული. ზრდა წლიურ ჭრილში 3%-ია. 2022 წლის სტატისტიკით სამედიცინო დაზღვევის კუთხით აქტიური იყო 682,152 პოლისი. 2024 წელს 2022 წელთან შედარებით ზრდა 9%-მდეა.