საქართველოს მოსახლეობის 20% სარგებლობს სამედიცინო დაზღვევით, ხოლო საქართველოში რეგისტრირებული ავტომობილების მხოლოდ 7%-ია დაზღვეული. ამის შესახებ დაზღვევის სახელმწიფო ზედამხედველობის სამსახურის მიერ გამოქვეყნებული 2024 წლის ბაზრის სტატისტიკური მაჩვენებლებიდან ხდება ცნობილი.
ირკვევა, რომ 2024 წლის 31 დეკემბრის მდგომარეობით მოქმედი პოლისების რაოდენობა სამედიცინო (ჯანმრთელობის) დაზღვევის მიმართულებით 741,174 პოლისს შეადგენდა, მაშინ როდესაც 2023 წლის ბოლოს ამ პოლისებს რაოდენობა 720,944 ერთეული იყო. ზრდა წლიურ ჭრილში 3%-ია. 2022 წლის სტატისტიკით სამედიცინო დაზღვევის კუთხით აქტიური იყო 682,152 პოლისი. 2024 წელს 2022 წელთან შედარებით ზრდა 9%-მდეა.
რაც შეეხება მოქმედი პოლისების რაოდენობას სახმელეთო სატრანსპორტო საშუალებათა დაზღვევის კუთხით, 2024 წლის ბოლოსთვის მათი რაოდენობა 138,219 ერთეულს შეადგენდა, რაც 2023 წლის მაჩვენებლებთან 10%-იანი ზრდაა, ხოლო 2022 წლის მაჩვენებლებთან 21%-იანი მატება.
დაზღვევის სახელმწიფო ზედამხედველობის სამსახურის ინფორმაციით, 2023 წლის ბოლოსათვის სახმელეთო სატრანსპორტო საშუალებათა დაზღვევის კუთხით აქტიური იყო 126,065 პოლისი, ხოლო 2022 წლის ბოლოსათვის - 114,447 პოლისი.
უახლესი
2 საათის წინ
როგორია აშშ-სა და საქართველოს სავაჭრო ურთიერთობები3 საათის წინ
ვინ იმღერებს 23 ივლისს დინამო არენაზე3 საათის წინ
როგორი ამინდია მოსალოდნელი საქართველოში 3 აპრილს
