პარლამენტმა პლენარულ სხდომაზე პირველი მოსმენით მიიღო კანონპროექტი „წყალმომხმარებელთა ორგანიზაციების შესახებ" კანონში ცვლილების შეტანის თაობაზე. კანონპროექტი წყალმომხმარებელთა ორგანიზაციების საქმიანობის დაზუსტების გზით, ახლებურად განსაზღვრავს კანონის მოქმედების სფეროს, რომელიც მოიცავს წყალმომხმარებელთა ორგანიზაციების ურთიერთობებს ფიზიკურ პირებთან, იურიდიულ პირებსა და სახელმწიფო ორგანოებთან; დოკუმენტით აგრეთვე განისაზღვრება საირიგაციო ინფრასტრუქტურით სარგებლობის წესი.
ცვლილების თანახმად იქმნება სამართლებრივი საფუძველი, რომ საირიგაციო სისტემიდან წყლის მიღება წყალმომხმარებელთა ორგანიზაციის გარდა სხვა წყალმოსარგებლეებმაც შეძლონ.
პროექტი ასევე ითვალისწინებს საირიგაციო სისტემიდან წყლის მიღებას არა მხოლოდ საირიგაციო, არამედ სხვა მიზნითაც, მაგალითად, ჰიდროელექტროსადგურებისთვის, სათევზე მეურნეობებისა და სხვა დანიშნულებისთვის.
პარლამენტმა 83 ხმით დაუჭირა მხარი მესამე მოსმენით წარმოდგენილ ცვლილებებს.
