რუსეთი ნავთობის ექსპორტის ნებაყოფლობით შემცირებას 2023 წლის ბოლომდე, ნავთობის ბაზრის დაბალანსების მიზნით განაგრძობს. ამის შესახებ Bloomberg იუწყება.
გამოცემა წერს, რომ რუსეთის მთავრობა 2023 წლის დეკემბრის ბოლომდე გააგრძელებს ნავთობისა და ნავთობპროდუქტების მიწოდების შეზღუდვის (დღეში 300 ათასი ბარელით.) პოლიტიკას.
რუსეთის ვიცე-პრემიერ ალექსანდრე ნოვაკის თქმით, ნებაყოფლობითი შემცირება გააძლიერებს OPEC+-ის ქვეყნების მიერ მიღებულ ზომებს ნავთობის ბაზრებზე სტაბილურობისა და ბალანსის შესანარჩუნებლად.
მისივე თქმით, ნავთობის მიწოდების შემცირება მომავალ თვეში გადაიხედება, როდესაც რუსეთის ფედერაცია შემცირების გაღრმავებისა ან წარმოების გაზრდის საკითხს განიხილავს.
რუსეთში ნავთობის ექსპორტის შეზღუდვა გადაწყდა მას შემდეგ, რაც დასავლეთის სანქციების საპასუხოდ 2024 წლის მარტიდან მოპოვება ნებაყოფლობით შემცირდება 500 ათასი ბარელით დღეში. კერძოდ, G7-ის მიერ დაწესებული ნავთობისა და ნავთობპროდუქტების ფასებზე შეზღუდვის საპასუხოდ.
უახლესი
