როგორია ქვეყანაში კრევეტებზე მოთხოვნა და საიდან ხდება იმპორტი

მიმდინარე სტატისტიკით საქართველოში კრევეტებზე მოთხოვნა შემცირდა. 2025 წლის იანვარში ქვეყანამ 114.43 ათასი დოლარის ღირებულების 16.90 ტონა გაყინული კრევეტები იყიდა, რაც 2024 წლის იანვრის მაჩვენებლებთან შედარებით 56%-იანი კლებაა. 2024 წლის პირველივე თვეში საქართველოში 38.45 ტონა გაყინული კრევეტების იმპორტი დაფიქსირდა.

როგორც საქსტატის საიტზე განთავსებული ინფორმაციიდან ირკვევა, გაყინული კრევეტების (ლანგუსტების, ასთაკვების, კიბორჩხალების, ნორვეგიული ლობსტერის და ცივი წყლის კრევეტების გარდა) იმპორტის კუთხით საქართველოსთვის ნომერ პირველი მომწოდებელი ირანია, საიდანაც მხოლოდ იანვარში 7.01 ტონა გაყინული კრევეტები შემოვიდა, რაც ამ პროდუქტის იმპორტის 41%-ია.

ქვეყნები, საიდანაც საქართველომ 2025 წლის იანვარში გაყინული კრევეტები იყიდა:

• ირანი - 7.01 ტონა,
• ნიდერლანდები - 5.02 ტონა,
• ჩინეთი - 3.05 ტონა,
• პორტუგალია - 1.50 ტონა,
• დანია - 0.32 ტონა.

საგულისხმოა, რომ ბოლო წლების სტატისტიკით ქვეყანაში გაყინული კრევეტების იმპორტი იზრდებოდა და მისმა იმპორტმა ყველაზე მაღალ მაჩვენებელს სწორედ 2024 წელს მიაღწია. 2024 წელს საქართველომ 2,628.03 ათასი დოლარის ღირებულების 377.04 ტონა კრევეტები იყიდა. 2024 წლის სტატისტიკით საქართველოში გაყინული კრევეტების იმპორტის კუთხით ნომერ პირველი იმპორტიორო ინდოეთი იყო.