როგორია ფულადი გზავნილების სტატისტიკა

საქართველოში ფულადი გადმორიცხვები წლიურ ჭრილში 22%-ითაა შემცირებული. სებ-ის საიტზე განთავსებული ინფორმაციის მიხედვით, 2024 წლის იანვარ-სექტემბერში სხვადასხვა ქვეყნებიდან საქართველოში 2 528 397.8 ათასი აშშ დოლარის ჩარიცხვა განხორციელდა. ეს მაჩვენებლები კი 2023 წლის 9 თვესთან შედარებით 22,3%-ითაა შემცირებული. 2023 წლის იანვარ-სექტემბერში საქართველოში ფულადმა გზავნილებმა 3 255 133 ათასი აშშ დოლარი შეადგინა.

ქვეყანაში გაკეთებული გადმორიცხვების მიხედვით ევროკავშირი პირველ ადგილზეა და მასზე მთლიანი ჩარიცხვების 42% მოდის, სულ 1 068 813.8 ათასი აშშ დოლარი. დსთ-ს ქვეყნებზე ჩარიცხვების 26%-ი ფიქსირდება, სულ 655 004.4 ათასი აშშ დოლარი. რაც შეეხება სხვა ქვეყნებს ჩარიცხვებმა 9 თვეში 804 579.6 ათასი აშშ დოლარი შეადგინა, ანუ მთლიანი ჩარიცხვების 32%-ი.

რაც შეეხება ქვეყნების მიხედვით ფულად გზავნილებს პირველ ადგილზე რუსეთია. 

ფულადი გზავნილების მიხედვით (ჩარიცხვები) TOP 5 ქვეყნის რეიტინგი ასე გამოიყურება:

• რუსეთის ფედერაცია - 445,828.6 ათასი აშშ დოლარი;
• იტალია - 423,616.1 ათასი აშშ დოლარი;
• აშშ - 416,588.0 ათასი აშშ დოლარი;
• გერმანია - 195,678.5 ათასი აშშ დოლარი;
• საბერძნეთი - 195,261.4 ათასი აშშ დოლარი;
• ისრაელი - 182,767.2 ათასი აშშ დოლარი;
• ყაზახეთი - 93,655.6 ათასი აშშ დოლარი;
• თურქეთი  - 74,775.4 ათასი აშშ დოლარი;
• ესპანეთი - 52,656.2 ათასი აშშ დოლარი;
• ყირგიზეთი - 49,038.1 ათასი აშშ დოლარი;
• ირლანდია - 47,444.0 ათასი აშშ დოლარი;