მიმდინარე წელი ნეტო-აღრიცხვის სისტემაში ჩართული მიკროსიმძლავრის სადგურების კუთხით რეკორდულია. 2024 წლის იანვარ-ნოემბრის მონაცემებით, ნეტო-აღრიცხვის პროგრამას 490 მომხმარებელი ანუ ობიექტი შეემატა. მიუხედავად იმისა, რომ ჯერ წელი დასრულებული არ არის და შესაბამისად წლის საბოლოო მონაცემებიც არ არსებობს, მიმდინარე წლის 11 თვის მაჩვენებლები გაცილებით მეტია გასული წლების მაჩვენებლებთან შედარებით.
2024 წლის 11 თვეში ნეტო -აღრიცხვის პროგრამაში ჩართული ობიექტების გენერაციამ 50 319.6 კვტ შეადგინა, რაც ასევე რეკორდული მაჩვენებელია. სემეკის ინფორმაციით, 2023 წელს აღნიშნული მიმართულებით გამომუშავებამ 29 950.2 კვტ შეადგინა, ხოლო 2022 წელს 19 517.6 კვტ.
სემეკის ვებგვერდზე განთავსებული სტატისტიკური მაჩვენებლების მიხედვით ნეტო- აღრიცხვაში ჩართული ახალი ობიექტების სტატისტიკა ასე გამოიყურება:
საგულისხმოა, რომ 2016 წლიდან დღემდე, ნეტო-აღრიცხვის პროგრამაში ჩართულია 1 609 სადგური, რომელთაგან 1 589 მზის სადგურია, 14 ჰიდრო, 4 ქარის და 2 ბიომასაზე მომუშავე სადგური.
უახლესი
1 საათის წინ
რამდენია მიმოქცევაში არსებული ნაღდი ფულის მასა
