ქვეყანაში საქალაქთაშორისო მგზავრთა გადაყვანის რეფორმის განხორციელება იგეგმება. ამის შესახებ მთავრობის ადმინისტრაციაში გამართული ეკონომიკური საბჭოს სხდომის შემდეგ გახდა ცნობილი.
როგორც პრემიერ-მინისტრის პრესსამსახურის მიერ გავრცელებულ ინფორმაციაში წერია, ეკონომიკურ საბჭოს სხდომის მონაწილეებმა საქალაქთაშორისო მგზავრთა გადაყვანის რეფორმა განიხილეს, რომლის ფარგლებშიც მოხდება ავტოსადგურებისა და მგზავრთა გადამყვანი ოპერატორების სერტიფიცირება.
რეფორმის შედეგად მომსახურების ხარისხი გაუმჯობესდება, ამაღლდება უსაფრთხოების დონე.
