დღეს, დილიდან ,,კასტელო მარეს" ორგანიზებით ციხისძირში ყველაზე ყვითელი ფესტივალი ,,მანდარინობა 2023" იმართება.
ღონისძიების ფარგლებში სტუმრებს შესაძლებლობა აქვთ მანდარინის კრების პროცესში მიიღონ მონაწილეობა და სხვადასხვა ღონისძიებას დაესწრონ, რომელიც ,,კასტელო მარეს" ტერიტორიაზე მიმდინარეობს.
ფესტივალის ფარგლებშია გამოფენა-გაყიდვა, ქართული ტრადიციული ცეკვები და საინტერესო შოუ პროგრამა, ჩურჩხელის და მანდარინის მურაბის მომზადების მასტერკლასები, ასევე გრანდიოზული საზეიმო ტორტი ,,კასტელო მარეს" კონდიტრებისგან.
როგორც სასტუმროს დამფუძნებელი ზანდა მესხიძე Business Insider Georgia- თან ამბობს, რომ ფესტივალი აერთიანებს სტუმარ-მასპინძლობის სფეროს და აჭარაში ციტრუსის მოსავლის აღების ტრადიციას უფრო მრავალფეროვანს ხდის.
,,ჩვენი მიზანია, სწორად შევფუთოთ და გამოვიტანთ გასაყიდად ქართული ციტრუსი და ქვეყნის გარეთ უფრო ცნობადი და პოპულარული გავხადოთ. თუკი ტურისტულად რთველი საინტერესო და მასშტაბურია, ასეთივეა ,,მანდარინობა", რომლის უნიკალური ტრადიცია დავამკვიდრეთ. ,,მანდარინობის“ ფესტივალი ღიაა ნებისმიერი დაინტერესებული პირისთვის. დასწრება შეეძლებათ როგორც სასტუმროს სტუმრებს, ასევე გარედან შემოსულ ნებისმიერ ვიზიტორს", - აცხადებს ზანდა მესხიძე.
ასე რომ, მანდარინობა 23 აჭარის რეგიონის ტრადიციული კულტურაა, დღე, რომელიც არ უნდა გამოტოვოთ!
Insider WEEKEND-ის მხარდამჭერია სელფი მობაილი
Insider WEEKEND-ის მხარდამჭერია სელფი მობაილი
უახლესი
