საქართველოს კალათბურთის ეროვნულ ფედერაციას ახალი გენერალური მდივანი ჰყავს. როგორც საქართველოს კალათბურთის ფედერაციის მიერ გავრცელებულ ინფორმაციაშია აღნიშნული, 6 დეკემბერს გამართულ გამგეობის სხდომაზე, დავით საყვარელიძემ წევრებს მისი 1 წლიანი საქმიანობის ანგარიში წარუდგინა და პირადი განცხადების საფუძველზე თანამდებობა დატოვა.
ფედერაციის პრეზიდენტმა, ვიქტორ სანიკიძემ მას გაწეული საქმიანობისთვის მადლობა გადაუხადა და გამგეობას, ახალი გენერალური მდივნის პოსტზე ლაშა გამყრელიძის კანდიდატურა წარუდგინა.
გამგეობის საერთო გადაწყვეტილებით ლაშა გამყრელიძე არჩეულ იქნა ახალ გენერალურ მდივნად და იგი უკვე დღეიდან მოვალეობების შესრულებას შეუდგება.
შეგახსენებთ რომ გამყრელიძე ერთი წლის განმავლობაში სწორედ გენერალური მდივნის მოადგილის თანამდებობას იკავებდა, მანამდე იგი გამგეობის წევრი, საქართველოს კალათბურთელთა კავშირის პრეზიდენტი და ვეტერანი მოთამაშე გახლდათ.
უახლესი
1 დღის წინ
დედაქალაქში „საახალწლო სოფელი“ გაიხსნა
