ცნობილია, რომელი საგანი აირჩია 2023 წლის ეროვნულ გამოცდებზე ყველაზე მეტმა აბიტურიენტმა

naec.ge-ს მონაცემებით, 2023 წლის არჩევითი საგნების სტატისტიკა აბიტურიენტთა არჩევანის მიხედვით ასე გამოიყურება:

• ისტორია აირჩია 22 200-მდე  აბიტურიენტმა;
• მათემატიკა - 15 700-ზე მეტმა აბიტურიენტმა;
• ბიოლოგია - 3 600-ზე მეტმა აბიტურიენტმა;
• ქიმია - 2 600-ზე მეტმა აბიტურიენტმა;
• გეოგრაფია - 2 200-ზე მეტმა აბიტურიენტმა;
• ფიზიკა - 700-მდე აბიტურიენტმა;
• ლიტერატურა - 1 300-მდე აბიტურიენტმა;
• სამოქალაქო განათლება - 2 000-ზე მეტმა აბიტურიენტმა;
• სახვითი და გამოყენებითი ხელოვნება კი 300-ზე მეტმა აბიტურიენტმა აირჩია.

2023 წლის გამოცდებისათვის რეგისტრაცია 3 აპრილს დასრულდა, თუმცა აბიტურიენტებს საშუალება ჰქონდათ 13 აპრილის 18:00 საათამდე შეეტანათ ცვლილებები ჩასაბარებელი საგნების ჩამონათვალში ან შეეცვალათ გამოცდის ენა. ერთიანი ეროვნული გამოცდებისათვის 45 000-ზე მეტმა აბიტურიენტმა გაიარა რეგისტრაცია.

შეგახსენებთ, რომ ერთიან ეროვნულ გამოცდებში მონაწილეებს საგანმანათლებლო პროგრამების ჩამონათვალში ცვლილებების შეტანა აპელაციის შედეგების გამოქვეყნების მომდევნო დღემდე შეეძლებათ. კონკრეტული რიცხვი აგვისტოს თვეში გამოქვეყნდება.