სად ყიდის საქართველო ლუდს - ექსპორტი 222.6%-თაა გაზრდილი

2023 წლის პირველ ნახევარში საქართველოდან ექსპორტზე 4,375.33 ათასი დოლარის ღირებულების 3,579,095.78 ლიტრი ლუდი გავიდა, გასული წლის ანალოგიურ პერიოდში კი 1,109,363.12 ლიტრი. შესაბამისად ზრდა 222.6%-ის დონეზეა.

ქართული ლუდისთვის ნომერ პირველი საექსპორტო ბაზარი ყაზახეთია, სადაც წელს 1,606,619.60 ლიტრი ლუდი გადაიზიდა და რაც მთლიანი ექსპორტის 45%-ია.

საქსტატის მიხედვით ლუდის საექსპორტო არეალი ასე გადანაწილდა - ტოპ-5 ქვეყანა: 

• ყაზახეთი - 1,606,619.60 ლიტრი,
• სომხეთი - 416,399.04 ლიტრი,
• ჩინეთი - 325,369.44 ლიტრი,
• რუსეთი - 322,193.46 ლიტრი,
• აზერბაიჯანი - 186,010.04 ლიტრი.

აღსანიშნავია,რომ ლუდის ექსპორტის კუთხით რეკორდულად 2020 წელი მიიჩნევა, რა დროსაც ქვეყანამ 5,492,625.98 ლიტრი ლუდის ექსპორტი განახორციელა.