2024 წელს სადაზღვევო კომპანიებიდან ყველაზე მეტი პრემია ჯიპიაი ჰოლდინგმა მოიზიდა. ვენის სადაზღვევო ჯგუფის წევრი კომპანია წლებია ქართული სადაზღვევო ბაზრის ლიდერია.
დაზღვევის სახელმწიფო ზედამხედველობის სამსახურის მიერ გამოქვეყნებული ინფორმაციის თანახმად, ჯიპიაი ჰოლდინგმა 2024 წელს 19%-ით მეტი სადაზღვევო პრემია მოიზიდა, ვიდრე 2023 წელს. არსებული სტატისტიკური მაჩვენებლებით სადაზღვევო კომპანიამ 2024 წელს 219 მლნ ლარის სადაზღვევო პრემია მოიზიდა, 2023 წელს კი 184 მლნ ლარის.
სადაზღვევო ბაზარზე მოზიდული პრემიით მეორე ადგილზეა თიბისი დაზღვევა, რომელმაც 2024 წელს 212 მლნ ლარის სადაზღვევო პრემია მოიზიდა, 2023 წელს კი 177 მლნ ლარი, ზარდა 19,8%-ია.
TOP-3 ბაზრის ლიდერ კომპანიას შორის მესამე პოზიციაზე კი ალდაგია, რომელმაც 2024 წელს 193 მლნ ლარის სადაზღვევო პრემია მოიზიდა, 2023 წელს კი 170 მლნ ლარი, ზრდა 13,5%-ია.
2024 წელს სადაზღვევო კომპანიების მიერ მოზიდული პრემია პირდაპირი დაზღვევის საქმიანობიდან 1,259 მლნ ლარი იყო, ხოლო 2023 წელს 1,064 მლნ ლარი.
2024 წლის 31 დეკემბრის მდგომარეობით რეგისტრირებულია 19 სადაზღვევო კომპანია, რომლებიც ფლობენ სიცოცხლის და არასიცოცხლის დაზღვევის ლიცენზიას.
2024 წლის მაჩვენებლებით მზღვეველების სადაზღვევო მოგებამ შეადგინა 307 მილიონი ლარი, წმინდა მოგებამ კი 127 მილიონი ლარი.
სადაზღვევო კომპანიების აქტივების ჯამური მოცულობა შეადგენს 1 446 მილიონ ლარს, ხოლო კაპიტალი 459 მილიონ ლარს.
უახლესი
2 საათის წინ
როგორია აშშ-სა და საქართველოს სავაჭრო ურთიერთობები3 საათის წინ
ვინ იმღერებს 23 ივლისს დინამო არენაზე3 საათის წინ
როგორი ამინდია მოსალოდნელი საქართველოში 3 აპრილს
