მაჭახელას დაცულ ტერიტორიაზე ავტონომიური მზის ფოტოელექტრული სისტემების მონტაჟი იგეგმება

დაცული ტერიტორიების სააგენტო მაჭახელას დაცულ ტერიტორიაზე განახლებადი ენერგიის გენერაციის წყაროების მონტაჟს გეგმავს. უწყებამ ადმინისტრაციის ტერიტორიაზე განთავსებული რეინჯერთა კოტეჯისათვის 1 კომპლექტი ავტონომიური მზის ფოტოელექტრული სისტემების შესყიდვისთვის (თანმდევი მონტაჟის მომსახურებით) ტენდერი უკვე გამოაცხადა. 

შესყიდვის ობიექტის სავარაუდო ღირებულება 14`960 ლარის ოდენობით განისაზღვრა (დღგ-ს ჩათვლით). 

ავტონომიური მზის ფოტოელექტრული სადგურის კომპონენტების ტექნიკური მახასიათებლები:
მზის პანელი
ტიპი- MONO, PERC, HALF CUT ტექნოლოგიის.
ჯამური პიკური სიმძლავრე არანაკლებ 2 180 ვატი;

აკუმულატორი
ტიპი - GEL ტიპის, ღრმა განმუხტვის ციკლის (მზის სისტემებისათვის);
ელექროტევადობა - არანაკლებ 200 ამპ.სთ;
მუშა ძაბვა - 12 ვოლტი;

მზის ჰიბრიდული ინვერტორი
ტიპი - მაქსიმალური სიმძლავრის წერტილის თანმდევი (MPPT);
მულტიფუნქციური ჭკვიანი LCD დისპლეით;
მუშა დიაპაზონი - 90-120 ვოლტი;
ნომინალური სიმძლავრე - 24 ვოლტზე 3000 ვატი;
დამუხტვის მაქსიმალური დენი - 80 ამპერი;
მაქსიმალური ეფექტურობა - 98 %;
სამუშაო ტემპერატურა - 15, +40°C;
დაცვები - მაღალი და დაბალი ძაბვისგან, მოკლე ჩართვის დენისგან, გადატვირთვისგან და
ტემპერატურისგან.
მზის პანელების სამაგრი ალუმინის კონსტრუქცია
ალუმინის პროფილური ლიანდაგები;
მზის მოდულის ნაპირა და შუა დამჭერები.