სადაზღვევო კომპანია „არდი“-ს გაყოფისა და ახალი ინვესტორის შესვლის საკითხი Business Insider Georgia-სთან „არდის “ გენერალურმა დირექტორმა მიხეილ ჯაფარიძემ შეაფასა.
კომპანიამ გააკეთა სტრატეგიული გაყოფა. „არდი“ გაიყოფა ორ ნაწილად. ამ ორი კომპანიიდან ერთში, გაყოფის შედეგად იყიდის და ინვესტირებას მოახდენს „საქართველოს კაპიტალი“. გაყოფის შედეგად ამ კომპანიასთან მიმართებით პროპორცია იქნება 97% და 2-3% იქნება მეორე კომპანიაში.
„არდი დაზღვევა“, რომელსაც მომხმარებელი იცნობს, იქნება ამ მსხვილ ნაწილში, სადაც ძირითადი ბიზნესის, დაზღვეულების, თანამშრომლების ინტეგრირება მოხდება ამ მხარეს და სრულად „საქართველოს კაპიტალის“ მფლობელობაში იქნება ის კომპანია.
ხოლო მეორე კომპანია, ოპერირებას სხვა სახელით დაიწყებს და დაიწყებს ფუნქციონირებას როგორც ნიშური სადაზღვევო პროდუქტების მქონე მცირე კომპანია.
ამ კომპანიაში დიდი ფოკუსი გაკეთდება კომპანიის სამომავლო განვითარებაზე. ბოლო წლებია კომპანიას ძალიან კარგი ზრდა აქვს და 10 წელია უკვე სადაზღვევო ბაზრის ხუთეულში ვართ და მეორე წელია მეოთხე პოზიციას ვიკავებთ კომპანიებს შორის და ამ წლების განმავლობაში გრძელვადიანი სტრატეგიული პარტნიორი კომპანიას არ ჰყოლია.
ამ გაყოფის შედეგად, ახალ „არდი დაზღვევაში“ სრულიად აქცენტები და სტრუქტურა იქნება „საქართველოს კაპიტალის“. მოხდება თანხის ინვესტირება, რომ კომპანია უფრო სწრაფად განვითარდეს, ტექნოლოგიები შეცვალოს, სერვისები აჩქარდეს და უფრო დიდი და მაღალი კაპიტალიზაცია ჰქონდეს და ამისთვის აუცილებელია მდგრადობა ფინანსურ მაჩვენებლებში.
საწყის ეტაპზე მეორე კომპანიაც იქნება „არდის“ ბრენდის ქვეშ - ერთი „არდი დაზღვევა“, მეორე იქნება „არდი P&C. თუმცა რამდენიმე თვის შემდეგ ეს კომპანია სახელს შეიცვლის და იქნება სხვა ბრენდის ქვეშ, რომელსაც ის აქციონერები გადაწყვეტენ, რომლებიც იქ დარჩებიან.
დაგეგმილია, რომ ამ ფინანსური გარიგების შედეგად ორი წლის განმავლობაში „არდი დაზღვევის“ მოცულობა უნდა გაორმაგდეს, პროდუქტიულობა გასამმაგდეს და მისი სერვისები აჩქარდეს. ბევრი რამ იცვლება კომპანიაში, რაც ითხოვდა საკმაოდ დიდ რესურსებს. „საქართველოს კაპიტალი“ პოტენციური ინვესტორია და ამ ჯგუფს სხვა სადაზღვევო კომპანიებში განხორციელებული აქვს ინვესტიციები, ამიტომ ველოდებით ფოკუსირებულ წინსვლას.
კომპანიის თანამშრომლებისთვისა და დაზღვეულებისთვის არაფერი არ იცვლება. ერთად-ერთი მნიშვნელოვანი ღირებულება, რაშიც „საქართველოს კაპიტალმა“ ინვესტირება გააკეთა ეს ადამიანები არიან.
ამ ინვესტიციას არ ექნება გავლენა სადაზღვევო პროდუქტების ფასებზე გაძვირების კუთხით. დაიხვეწება ტექნოლოგიები. საკმაოდ მწირი ბაზარია სადაზღვევო ინდუსტრია საბანკოსთან შედარებით. რეალურად ასეთი საინვესტიციო კომპანია საქართველოში ერთია, რომელიც ყველაფერს გააკეთებს იმ მიმართულებით, რომ „არდი დაზღვევა“ განვითარდეს. იმედია მომხმარებლები უფრო მეტ სარგებელს ნახავენ და არ მაქვს მოლოდინი, რომ მათ რომელიმე სერვისი შეუფერხდეთ.
შეგახსენებთ, რომ „არდის“ 97%-იანი წილის მფლობელი საქართველოს კაპიტალი გახდა, რომელმაც კომპანიაში 30 მლნ ლარის ინვესტირება განახორციელა.
„არდიმ“ დღეს განაცხადა, რომ ინსტიტუციური ტრანსფორმაციის ახალ საფეხურზე გადადის და იყოფა. შედეგად, ბაზარზე ორი კომპანიის სახით გააგრძელებს ოპერირებას. პირველი იქნება მულტიპროფილური რისკების მზღვეველი კომპანია სს „არდი დაზღვევა“, რომელშიც ჯანმრთელობის დაზღვევაც შევა, მეორე კი - „არდი P&C”, რომელიც ფოკუსირებული იქნება ნიშურ სადაზღვევო პროდუქტებზე, როგორიც არის ფინანსური რისკებისდაზღვევა და სავალდებულო დაზღვევის სახეობები.საწყის ეტაპზე ორივე კომპანია "არდის" ბრენდის ქვეშ იფუნქციონირებს.
უახლესი
