ფერმერთა ასოციაციამ პროექტის - „ფინანსებზე ხელმისაწვდომობა მცირე სასოფლო მეურნეობებისთვის“ ფარგლებში მორიგი შეხვედრა გამართა

საქართველოს ფერმერთა ასოციაციამ პროექტის - „ფინანსებზე ხელმისაწვდომობა მცირე სასოფლო მეურნეობებისთვის“ ფარგლებში მორიგი რეგიონული შეხვედრა ახალციხეში გამართა და ადგილობრივ ფერმერებსა და საფინანსო სერვისის მიმწოდებელი ორგანიზაციების წარმომადგენლებს პროექტის მიზნები და უპირატესობები გააცნო;

ექვსთვიანი პროექტი ბენეფიციარებს ეხმარება საჭიროებებზე დაფუძნებული სერვისების გამოყენებით გაზარდონ საკუთარი ბიზნესი, მიიღონ საინვესტიციო დაფინანსება და დანერგონ შემოსავლების ზრდაზე ორიენტირებული ბიზნეს-მოდელები;

საქართველოს ფერმერთა ასოციაციამ პროექტი - „ფინანსებზე ხელმისაწვდომობა მცირე სასოფლო მეურნეობებისთვის“ RSMEDP პროექტთან პარტნიორობით დაიწყო. რეგიონებში მცირე და საშუალო საწარმოების განვითარების პროექტი (RSMEDP) დაფინანსებულია შვეიცარიის თანამშრომლობის სააგენტოს (SDC) მიერ, რომელსაც Swisscontact კონსორციუმი Mercy Corps Europe-თან და Springfield Centre-თან ერთად ახორციელებს.