ევროკავშირის უმაღლესი წარმომადგენელი, ევროკომისიის ვიცე-პრეზიდენტი ჯოზეფ ბორელი, სოფელ კირბალში რუსეთის მესაზღვრეების მიერ საქართველოს მოქალაქის მკვლელობის ფაქტს ეხმაურება.
„ევროკავშირი მტკიცედ გმობს კირბალში რუსეთის მესაზღვრეების მიერ საქართველოს მოქალაქის მკვლელობას და მეორე მოქალაქის დაკავებას. მოვუწოდებთ, რომ დაუყოვნებლივ გაათავისუფლონ. რუსეთის სამხედრო ძალების ყოფნა საქართველოს ოკუპირებულ თვითგამოცხადებულ რეგიონებში - აფხაზეთსა და სამხრეთ ოსეთში - უკანონოა“, - განაცხადა ბორელმა.
შეგახსენებთ, რომ 6 ნოემბერს, სახელმწიფო უსაფრთხოების სამსახურმა გაავრცელა ინფორმაცია, რომ “სოფელ კირბალის მიმდებარედ, რუსეთის საოკუპაციო ძალების მიერ ცეცხლსასროლი იარაღით სროლის შედეგად, საქართველოს მოქალაქე გარდაიცვალა.“
იგივე თემაზე:
უახლესი
