საერთაშორისო სარეიტინგო სააგენტო Fitch-მა კომპანია „სილქნეტს“ საკრედიტო რეიტინგი “B+” დონეზე შეუნარჩუნა. ახალი რეიტინგის მოლოდინი კი “სტაბილურით” განისაზღვრა.
რეიტინგი ასახავს „სილქნეტის“ სტაბილურ პოზიციას ბაზარზე, როგორც ძლიერ ნომერ მეორე სატელეკომუნიკაციო ოპერატორის საქართველოში, დაბალი ლევერიჯის მაჩვენებლით და პოზიტიური ფულადი სახსრების თავისუფალი ნაკადის (FCF) გენერირების უნარით. რეიტინგი ასახავს გრძელვადიან 5G სტრატეგიულ გაურკვევლობას ნაკლებად სტაბილურ მაკროეკონომიკურ გარემოში.
რეიტინგის ძირითადი დრაივერები
გამყარებული ბაზრის პოზიციები | ჩვენ ველით, რომ Silknet შეინარჩუნებს თავის კონკურენტულ პოზიციებს საკმაოდ კონსოლიდირებულ, მაგრამ ასევე შედარებით მცირე ბაზარზე. საქართველოს ძირითადად ემსახურება ორი მსხვილი ოპერატორი: „მაგთიკომი“ და „სილქნეტი“. 2024 წლის მესამე კვარტალში „სილქნეტის“ შემოსავლების ბაზრის წილი იყო 36% მობილურ და 34% ფიქსირებული ქსელის სეგმენტებში.
სტაბილური ბაზარი | მთლიანი ბაზარი სავარაუდოდ სტაბილურად დარჩება.
ახალი 5G აუქციონი | „სილქნეტს“ არ აქვს გამოყოფილი 5G სპექტრი, რაც დადასტურდა, როცა მიიღო გადაწყვეტილება არ მიეღო მონაწილეობა 5G აუქციონებში 2023 წლის აგვისტოში, ხოლო მოგვიანებით 2024 წლის ოქტომბერში. თუ „სილქნეტი“ 5G-ის დანერგვის გადაწყვეტილებას მიიღებს, მას შესაძლოა დასჭირდეს როგორც მინიმუმ „მაგთის“ ანალოგიური მოცულობის ინვესტიციის განხორციელება
მაკროეკონომიკური გაურკვევლობა | Fitch-მა საქართველოს საკრედიტო რეიტინგი "BB" დონეზე დატოვა, პერსპექტივა კი "სტაბილურიდან" "ნეგატიურამდე" შეამცირა, რამაც შესაძლოა გავლენა იქონიოს ლიკვიდობაზე და გაცვლით კურსზე. Fitch ელოდება, რომ ეკონომიკური ზრდა დარჩება ძლიერი, მაგრამ პროგნოზირებს მშპ-ს ზრდას 2025 წელს 5,3%-მდე და 2026 წელს 5,0%-მდე.
უახლესი
44 წუთის წინ
გრუმინგ ცენტრი "ცუგრუმელა" გაფართოებას გეგმავს
