შიო-მღვიმის მონასტერთან, სადაც კლდის ნაწილი ჩამოიშალა, გეოლოგები და სახელმწიფო რწმუნებულის მოადგილე იმყოფებიან.
პირველადი შეფასებით, ადგილი ჰქონდა კლდეზვავით პროცესს, გამოფიტული მასის ჩამოქცევას. საშიშროება აღარ არსებობს, თუმცა დაგეგმილია დამატებითი გეოლოგიური კვლევები.
„მინიმალურია საფრთხე. ადგილზე იმყოფებოდნენ გეოლოგიის დეპარტამენტის წარმომადგენლები. ამ ეტაპზე მიმდინარეობს კვლევითი სამუშაოები. გადაადგილება შეზღუდულია ხევის კალაპოტისკენ, რათა ბერ-მონაზვნების, ხალხის, ტურისტების გადაადგილება ამ ეტაპზე შეიზღუდოს. ჩემი ინფორმაციით, ხევის გაწმენდის სამუშაოები უახლოეს საათებში უნდა დაიწყოს“, - განაცხადა გარემოს ეროვნული სააგენტოს გეოლოგიური დეპარტამენტის წარმომადგენელმა, რამაზ კობერიძემ.
