აშშ-ის პრეზიდენტმა, ჯო ბაიდენმა განაცხადა, რომ ამერიკელი ხალხი იმსახურებს ხელისუფლების მშვიდობიან და მოწესრიგებულ გადაცემას.
„ხალხი ხმას აძლევს და ირჩევს თავის ლიდერებს და ისინი ამას მშვიდობიანად აკეთებენ. ჩვენ დემოკრატიაში ვართ. ხალხის ნება ყოველთვის იმარჯვებს“, - აღნიშნა ჯო ბაიდენმა.
„გუშინ მე ვესაუბრე არჩეულ პრეზიდენტს [დონალდ ტრამპს], მივულოცე მას გამარჯვება და დავარწმუნე ის, რომ ჩემს ადმინისტრაციას მივმართავ იმუშაოს მის გუნდთან ხელისუფლების მშვიდობიანი და მოწესრიგებული გადაცემისთვის. სწორედ ამას იმსახურებს ამერიკელი ხალხი“, - განაცხადა მან.
მისი თქმით, მას ესმის, რომ არჩევნების შედეგთან დაკავშირებით განსხვავებული გრძნობები იქნება, მაგრამ მნიშვნელოვანია „მივიღოთ იმ არჩევანს, რომელიც ქვეყანამ გააკეთა“.
„არ შეიძლება შენი ქვეყანა გიყვარდეს მხოლოდ მაშინ, როდესაც იმარჯვებ“, - დასძინა მან.
უახლესი
1 დღის წინ
დედაქალაქში „საახალწლო სოფელი“ გაიხსნა
