2022 წელს, ღვინის ექსპორტმა რეკორდული 103 მილიონი ლიტრი შეადგინა

„2022 წელი მევენახეობა-მეღვინეობის მიმართულებით გამოწვევებით დაიწყო. რეგიონში არსებული რთული პოლიტიკური ვითარების გამო, წლის პირველ ნახევარში ქართული ღვინის ექსპორტი შემცირდა, თუმცა წლის მეორე ნახევრიდან მდგომარეობა დასტაბილურდა“, - განაცხადა  გარემოს დაცვისა და სოფლის მეურნეობის მინისტრმა, ოთარ შამუგიამ, პარლამენტში „მინისტრის საათის“ ფორმატში გამოსვლისას. 

მინისტრმა ხაზი გაუსვა, რომ ღვინის ექსპორტის რაოდენობა გაზრდილია სტრატეგიულ ბაზრებზე:

• პოლონეთი (ზრდა 32%),
• აშშ (28%),
• ლატვია (20%),
• გერმანია (34%),
• ესტონეთი (53%),
• იაპონია (68%).