Pink Monkey • ვარდისფერი მაიმუნი ხელნაკეთი შოკოლადების სტარტაპია, რომლის კონცეფცია საკმაოდ განსხვავებული და საინტერესოა. როგორც Business Insider Georgia-სთან კომპანიის დამფუძნებელმა ნათია ვაჭარაძემ განაცხადა, კომპანია ბაზარზე 3 თვეა რაც ოპერირებს და მენეჯმენტი ასორტიმენტის გამრავალფეროვნებაზე აქტიურად მუშაობს.
„Pink Monkey • ვარდისფერი მაიმუნი არის ხელნაკეთი შოკოლადების სტარტაპი. პერიოდულად, ვამატებთ სხვადასხვა პროდუქტებს. ამ ეტაპზე მხოლოდ ხელნაკეთი შოკოლადები, ყავა და ცხელი შოკოლადი გვაქვს. სპეციფიკა არის ის, რომ ბონბონის ყუთებზე გადაგვაქვს სიტუაციური სკეტჩები. მაგალითად, დედის დღესთან დაკავშირებით, დედის თემით სკეტჩი და ყველა დღესასწაულთან დაკავშირებით თემატური ნახატები გვაქვს სკეტჩის სახით, რომელიც გადაგვაქვს. ვცდილობთ, რომ ეს იყოს სახალისო. ჩვენი კონკურენტული უპირატესობაც სწორედ ამ კრეატიულობაში მდგომარეობს“, - ამბობს კომპანიის დამფუძნებელი ნათია ვაჭარაძე.
Pink Monkey, დაახლოებით სამი თვეა რაც ბაზარზე ოპერირებს და როგორც კომპანიის დამფუძნებელი აღნიშნავს მოთხოვნა და ინტერესი საკმაოდ მზარდია.
„მოთხოვნა არის. ახლა ვცდილობთ, რომ კონკრეტული მოთხოვნა რაც იქნება მომხმარებლის მხრიდან, ის დავაკმაყოფილოთ. ზოგადად, გვგონია, რომ გაამართლებს ეს წამოწყება“, - აღნიშნავს კომპანიის დამფუძნებელი.
აღსანიშნავია, რომ კომპანია, აქტიურად გეგმავს პროდუქტის ასორტიმენტის ზრდას.
„ვაპირებთ სხვადასხვა პროდუქტის დამატებას ობიექტზე, დელივერზე და ონლაინ. ეს იქნება ძირითადად, სწრაფი კვების პროდუქტები, რომელსაც ნელ-ნელა გავაცნობთ მომხმარებლებს“, - აცხადებს კომპანიის დამფუძნებელი ნათია ვაჭარაძე.
ცნობისთვის, Pink Monkey-ს პროდუქციის შეძენა შესაძლებელია, როგორც ონლაინ, ასევე დელივერის მეშვეობით. გარდა ამისა, მომხმარებელს ადგილზე (კავსაძის 10) მისვლაც შეუძლია, სადაც Pink Monkey-ს მაღაზია მდებარეობს.
უახლესი
