თურქეთის ეროვნული ვალუტა ანტირეკორდების დამყარებას განაგრობს

თურქეთის ეროვნული ვალუტა ანტირეკორდების დამყარებას განაგრძობს. დღეისათვის 1 დოლარის ღირებულება 30 ლირას უკვე გადასცდა.

მანამდე ფინანსთა მინისტრმა მეჰმედ შიმშეკმა განაცხადა, რომ თურქეთის ხელისუფლება არ ადგენს ლირა-დოლარის სამიზნე კურსს, რადგანაც კურსი თავისუფალ ცურვაშია.

თურქეთის ცენტრალურმა ბანკმა ივნისში განაცხადა, რომ გააგრძელებს მონეტარული პოლიტიკის თანდათან გამკაცრებას, სანამ ინფლაციის პროგნოზები არ გაუმჯობესდება.

წლიურმა ინფლაციამ 2023 წლის დეკემბერში 64,77% შეადგინა, მაშინ როდესაც ნოემბერში 61,98%-იან ნიშნულზე იყო.

იმავდროულად, დამოუკიდებელი ეკონომისტთა ჯგუფის (ENAG) მონაცემებით, წლიურმა ინფლაციამ დეკემბერში 127,21% შეადგინა.