თურქეთი მაღალი ინფლაციის მდგრადი და მნიშვნელოვანი შემცირების პერიოდში შევიდა, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
თურქეთის მთავრობა იმედოვნებს, რომ სექტემბერში წლიური ინფლაცია 50%-ზე დაბლა დაეცემა. აგვისტოში ინფლაცია ქვეყანაში მკვეთრად შენელდება და 51,97%-ი შეადგინა, როდესაც ივლისში მისი მაჩვენებელი 61,78%-ი იყო.
„ჩვენ შევედით ინფლაციის მდგრადი და მნიშვნელოვანი შემცირების პერიოდში, რაც ჩვენი ქვეყნის პრობლემაა მსოფლიოსთან ერთად“, - ციტირებს თურქეთის სახელმწიფო სააგენტო Anadolu აშშ-ში ვიზიტით მყოფი თურქეთის ლიდერის სიტყვებს. .
იმავდროულად, თურქეთის ცენტრალური ბანკი 6 თვის განმავლობაში არ ცვლის ძირითად განაკვეთს, ის 50%-ზე რჩება; ცენტრალური ბანკის თავმჯდომარის მოადგილის ოსმან აქჩაის თქმით, მარეგულირებელი ჯერ არ გეგმავს მის შემცირებას - განაკვეთის შემცირების წინაპირობა ინფლაციის მდგრადი კლება იქნება.
