TOP 5 პროდუქტი, რასაც საქართველო სინგაპურში ყიდის და ყიდულობს

სინგაპურიდან იმპორტი იზრდება. 2024 წლის რვა თვის მონაცემებით სინგაპურიდან იმპორტის კუთხით 87%-იანი ზრდაა.  მიმდინარე წლის იანვარ-აგვისტოში საქართველომ სინგაპურიდან 22,426.69 ათასი დოლარის პროდუქცია იყიდა, 2023 წლის ანალოგიურ პერიოდში კი 11,971.56 ათასი დოლარის. საქსტატის მიხედვით სინგაპურიდან იმპორტის 50%-ი კონდიციონერებზე მოდის.

TOP 5 პროდუქტი, რასაც საქართველო სინგაპურიდან ყიდულობს:

• მოწყობილობები ჰაერის კონდიცირებისათვის - 11,318.31 ათასი დოლარი;
• გამომთვლელი მანქანები და მათი ბლოკები - 1,761.84 ათასი დოლარი;
• სამკურნალო საშუალებები დაფასოებული - 1,636.97 ათასი დოლარი;
• მანქანები ელექტრული და აპარატურა, რომელთაც გააჩნიათ ინდივიდუალური ფუნქციები  - 1,426.58 ათასი დოლარი;
• ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 782.64 ათასი დოლარი;

რაც შეეხება ექსპორტს, სინგაპურში ექსპორტი 35%-ითაა შემცირებული. საქსტატის ინფორმაციის მიხედვით, 2024 წლის იანვარ-აგვისტოში საქართველომ სინგაპურში 5,648.32 ათასი დოლარის პროდუქცია შეიტანა, 2023 წლის ანალოგიურ პერიოდში კი 8,702.31 ათასი დოლარის. საქართველოდან სინგაპურში ნომერ პირველი საექსპორტო პროდუქტი ეთილის სპირტია, სწორედ მასზე მოდის ექსპორტის 73%-ი.

TOP 5 პროდუქტი, რასაც საქართველო სინგაპურში ყიდის:

• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 4,127.96 ათასი დოლარი;
•  ხელსაწყოები და მოწყობილობები მედიცინაში ან ვეტერინარიაში გამოსაყენებელი - 1,004.18 ათასი დოლარი;
•  ყურძნის ნატურალური ღვინოები - 148.89 ათასი დოლარი;
•  ნარჩენები და ჯართი სპილენძისა - 140.88 ათასი დოლარი;
•  ხილისა და ბოსტნეულის წვენები - 134.29 ათასი დოლარი.