TOP 5 ქვეყანა, სადაც საქართველო ნატურალურ წვენებს ყიდის

ხილისა და ბოსტნეულის წვენების ექსპორტი იზრდება. საქსტატის ინფორმაციით, 2025 წლის იანვარ საქართველომ ექსპორტზე 3,044.80 ათასი დოლარის ღირებულების 1,657.90 ტონა ხილისა და ბოსტნეულის წვენები გაიტანა, მაშინ როდესაც 2024 წლის იანვრის მაჩვენებლებით 1,637.64 ათასი დოლარის ღირებულების 1,121.16 ტონა წვენი. ეს კი ნიშნავს, რომ ღირებულებით ნაწილში ზრდა 86%-ია, ხოლო მოცულობების კუთხით 48%-იანი. 

2025 წლის იანვრის მაჩვენებლებით საქართველომ ყველაზე დიდი რაოდენობით ნატურალური წვენების ექსპორტი გერმანიაში განახორციელა. ანუ სწორედ გერმანიაზე მოდის ნატურალური წვენების ექსპორტის 56%-ი.

TOP-5 ქვეყანა, სადაც საქართველო ხილისა და ბოსტნეულის წვენებს ყიდის:

• გერმანია - 922.00 ტონა,
• აშშ - 335.75 ტონა,
• ავსტრალია - 118.72 ტონა,
• აზერბაიჯანი - 51.27 ტონა,
• საბერძნეთი - 45.33 ტონა.

აღსანიშნავია, რომ ბოლო წლების განმავლობაში ქვეყნიდან ნატურალური წვენების ექსპორტი იზრდება. შესაბამისად წლიურ ჭრილში რეკორდული 2024 წელი იყო, ამ წელს ქვეყნის მიერ ნატურალური წვენების ექსპორტის მოცულობამ 14,581.50 ტონა შეადგინა, ხოლო მიღებულმა შემოსავალმა კი 21,709.49 ათასი დოლარი.