„საოჯახო მეღვინეობა მილდიანმა“ ასორტიმენტი გაზარდა - ამის შესახებ Business Insider Georgia-ს კომპანიის დირექტორის მოადგილემ მარია ვეშაპიძემ განუცხადა.
„სამი ახალი პოზიცია დავამატეთ. ჩინებულის ბრენდი გავზარდეთ, დავამატეთ შარდონე, ხიხვი და კრახუნა, იშვიათი ჯიშის ღვინოები, რაც უკვე გაყიდვაშია “, - აცხადებს კომპანიის დირექტორის მოადგილე მარია ვეშაპიძე.
არსებული ასორტიმენტიდან განსაკუთრებული მოთხოვნა ხიხვზე და კრახუნაზეა.
„სამივე ღვინომ მოწონება დაიმსახურა, თუმცა ხიხვი და კრახუნა უფრო დიდი პოპულარობით სარგებლობს, რადგან ქართული ჯიშებია სავარაუდოდ ესაა მიზეზი “, - ამბობს კომპანიის დირექტორის მოადგილე.
მარია ვეშაპიძის განმარტებით, 2024 წელი მზარდი იყო კომპანიისთვის. 2025 წელს კი კომპანია აქტიურად გეგმავს საექსპორტო ბაზრების გაფართოებას.
„ჩვენ ყოველთვის ვცდილობთ რომ გავზარდოთ ქვეყნების რაოდენობა, სადაც ექსპორტს ვახორციელებთ და წელსაც იგივე გეგმა გვაქვს “, - აღნიშნავს კომპანიის დირექტორის მოადგილე მარია ვეშაპიძე.
უახლესი
23 საათის წინ
საქართველოდან ისრაელში ექსპორტი 35%-იან ზრდას აჩვენებს
