საკონდიტრო „სანდომმა“ ასორტიმენტს მარილიანი სნექის ხაზი დაამატა

საკონდიტრო კომპანია სანდომმა ასორტიმენტი გააფართოვა და ტკბილეულის ხაზს მარილიანი სნექის ხაზიც დაამატა. ასევე, მიმდინარეობს ჩირეულისა და ტყლაპის ხაზის გაფართოებაც. ამის შესახებ, Business Insider Georgia -ს მარკეტინგისა დასაზოგადოებასთან ურთიერთობის ხელმძღვანელმა თეკლა თალაკვაძემ განუცხადა. 

„გვაქვს საკმაოდ საინტერესო სიახლეები, ტკბილეულის ხაზის გარდა დავიწყეთ მარილიანი "სნექის'' ხაზის წარმოებაც, ორივე საწარმო თბილისშიც და დასავლეთ საქართველოშიც აღჭურვილია თანამედროვე, სრულად ავტომატიზირებული დანადგარებით, რაც ჩვენთვის ძალიან მნიშვნელოვანია. ასევე, დავიწყეთ ჩირეულის და ტყლაპის ხაზის გაფართოებაც. რაც შეეხება ექსპორტს, ამ ეტაპზე სანდომის პროდუქცია ექსპორტზე გადის  პალესტინაში, ასევე გვაქვს დაინტერესება ჩინეთიდანაც. ჩვენი პრიორიტეტული ხაზია ვაფლი, რომელიც მზადდება ევროპული ტექნოლოგიითა და რეცეპტით და კიდევ უფრო ვგეგმავთ მის გაფართოებას“, - აცხადებს კომპანიის მარკეტინგისა და საზოგადოებასთან ურთიერთობის ხელმძღვანელი თეკლა თალაკვაძე.

ცნობისთვის, საკონდიტრო კომპანია "სანდომი" უკვე 11 წელია წარმოდგენილია ქართულ ბაზარზე საკმაოდ მრავალფეროვანი პროდუქციით. კომპანია, დაკომპლექტებულია მაღალკვალიფიკაციური სპეციალისტებით, პროფესიონალთა გუნდი უცხოელ კოლეგებთან ერთად მუდმივად მუშაობს პროდუქციის დახვეწასა და განახლებაზე. საწარმოში პერიოდულად მოწვეულნი არიან უცხოელი ტექნოლოგები. თანამშრომლები გადიან ინტენსიურ ტრენინგებს უცხოელ სპეციალისტებთან ერთად. კომპანია არის ISO:22000-2005 სტანდარტის მფლობელი, რაც იმის დასტურია, რომ სანდომი აწარმოებს უმაღლესი ხარისხის, ქართულ პროდუქტს ყველა საერთაშორისო სტანდარტის დაცვით.