სად გაიხსნა მსოფლიოში ყველაზე დიდი ელექტრომობილების დამტენი სადგური

კომპანია Shell-მა ჩინეთში, შენჟენში მსოფლიოში ყველაზე დიდი ელექტრომობილების დამტენი სადგური გახსნა.

როგორც უცხოური მედია იუწყება, დამტენი სადგური შენჟენის აეროპორტის ტერმინალიდან დაახლოებით 2,5 კილომეტრში მდებარეობს და 258 სწრაფი დამუხტვის წერტილი აქვს. 

სადგურს Shenzhen Shell-ისა და BYD Electric Vehicle Investment Company Limited-ის ერთობლივი საწარმო მართავს.

ელექტროსადგური Shell Recharge ტესტირების რეჟიმში მუშაობისას ყოველდღიურად 3300-ზე მეტ ელექტრო მანქანას ემსახურებოდა.

ელექტრო მანქანების დამუხტვის გარდა, სადგური გთავაზობთ Shell Select მაღაზიებს, Shell-ის კაფეს, სავაჭრო ავტომატებს და მძღოლების მოსასვენებელ ოთახებს. 

სადგურზე დამონტაჟებული სახურავის მზის პანელები წელიწადში დაახლოებით 300 000 კვტ/სთ განახლებადი ელექტროენერგიის გამომუშავებას შეძლებენ, რომელიც გამოყენებული იქნება მანქანების დასატენად.