საქართველოს საბანკო ასოციაციას და USAID-ის ფინანსური ინოვაციების პროგრამას (The USAID Financial Innovation Program) შორის ურთიერთთანამშრომლობის მემორანდუმი გაფორმდა.
მემორანდუმის ფარგლებში, ორივე მხარე ერთობლივად იმუშავებს, რათა ხელი შეუწყოს საბანკო სექტორისთვის ინოვაციური ფინანსური პროდუქტებისა და სერვისების დანერგვა-განვითარებას.
“ჩვენ მოხარულები ვართ, რომ თანამშრომლობას ვიწყებთ საქართველოს საბანკო ასოციაციასთან და ერთად შევეცდებით, რომ მხარი დავუჭიროთ ბანკებს აქტივებზე დაფუძნებული ფინანსური პროდუქტების განვითარებაში, როგორიცაა ფაქტორინგი, ლიზინგი, სასაწყობე ხელწერილის დაფინანსება და ა.შ. USAID-ის ფინანსური ინოვაციების პროგრამის მიზანია ქვეყანაში ხელი შეუწყოს ინოვაციური ფინანსური პროდუქტების და სერვისების განვითარებას“ - აღნიშნა ოთარ ტაბუცაძემ, USAID-ის ფინანსური ინოვაციების პროგრამის უფროსმა მენეჯერმა.
“USAID-ის ფინანსური ინოვაციების პროგრამასთან თანამშრომლობა მეტად სასარგებლოა სექტორისთვის, USAID ასოციაციის განსაკუთრებულად მნიშვნელოვანი პარტნიორია” - აღნიშნა ალექსანდრე ძნელაძემ, საქართველოს საბანკო ასოციაციის პრეზიდენტმა.
უახლესი
12 საათის წინ
ჰენკელი - ექსკლუზიურად გორგიაში12 საათის წინ
აგრარულ საკითხთა კომიტეტში საკონსულტაციო საბჭო შეიქმნა
