როგორია საქართველო ყაზახეთის სავაჭრო ურთიერთობები

საქართველოდან ყაზახეთში ექსპორტი 23%-იან ზრდას აჩვენებს. საქსტატის ინფორმაციით, 2024 წლის იანვარ-ნოემბერში საქართველომ ექსპორტზე 795,424.47 ათასი დოლარის პროდუქცია გაგზავნა, მაშინ როდესაც 2023 წლის ანალოგიურ პერიოდში ეს მაჩვენებელი 649,187.10 ათასი დოლარის დონეზე იყო.

საქართველოდან ყაზახეთში ნომერ პირველი საექსპორტო პროდუქტი მსუბუქი ავტომობილებია, რომელზედაც ექსპორტის 87%-ია.

TOP 5 პროდუქტი, რასაც საქართველო ყაზახეთში ყიდის:

• მსუბუქი ავტომობილები - 693,794.02 ათასი დოლარი;
• მინერალური და მტკნარი წყლები - 28,418.37 ათასი დოლარი;
• წყლები, მინერალურისა და დაგაზიანებულის ჩათვლით, შაქრის დანამატების შემცველობით - 15,343.15 ათასი დოლარი;
• მაცივრები, საყინულეები და სხვა სამაცივრო ან საყინულე მოწყობილობები - 11,705.34 ათასი დოლარი;
• ყურძნის ნატურალური ღვინოები - 9,762.03 ათასი დოლარი.

რაც შეეხება ყაზახეთიდან იმპორტს, ზრდა 117%-ის დონეზეა. საქსტატის მონაცემების თანახმად, 2024 წლის 11 თვეში საქართველომ 58,032.25 ათასი დოლარის პროდუქცია იყიდა, 2023 წლის 11 თვეში კი 26,761.59 ათასი დოლარის. 

ყაზახეთიდან საქართველოში ნომერ პირველი საიმპორტო პროდუქტი ნავთობი და ნავთობპროდუქტებია, რომელზედაც იმპორტის 19%-ი მოდის. 

TOP 5 პროდუქტი, რასაც საქართველო ყაზახეთიდან ყიდულობს:

• ნავთობი და ნავთობპროდუქტები - 11,033.10 ათასი დოლარი;
• ნაწარმი შავი ლითონებისაგან, გამოსაყენებელი სარკინიგზო და ტრამვაის ლიანდაგებისათვის - 5,417.92 ათასი დოლარი;
• საფრენი აპარატები სხვა - 3,700.00 ათასი დოლარი;
• საშუალებები თმებისათვის - 3,404.31 ათასი დოლარი;
• ხახვი თავიანი, ხახვი-შალოტი, პრასი, ნიორი და სხვა ხახვისმაგვარი ბოსტნეული - 2,730.25 ათასი დოლარი.