2025 წლის იანვრის მდგომარეობით, საქართველოს სახელმწიფო საგარეო ვალი 8,547,905 ათას დოლარს შეადგენს, რაც ეროვნულ ვალუტაში დაახლოებით 24,584,628 ათასი ლარია.
ფინანსთა სამინისტროს მიერ გამოქვეყნებული მონაცემების მიხედვით, 2025 წლის იანვარში 2024 წლის იანვართან შედარებით სახელმწიფო საგარეო ვალის მოცულობა 2%-ითაა შემცირებული.
წინა თვესთან, ანუ 2024 წლის დეკემბრის მონაცემებთან კი 0,5%-იანი კლებაა. დეკემბერში სახელმწიფო საგარეო ვალის მოცულობა 8 589 061 ათასი დოლარი იყო.
სამინისტროს საიტზე განთავსებული მაჩვენებლებით, 2024 წლის იანვრის მდგომარეობით სახელმწიფო საგარეო ვალი მოცულობა 8 907 776 ათასი დოლარი იყო.
2025 წლის იანვრის მდგომარეობით მთავრობის საგარეო ვალი 8,196,524 ათასი დოლარით განისაზღვრა, ეროვნულ ვალუტაში კი ის 23,574,022 ათასი ლარს უტოლდება.
იანვრის მონაცემებითვე, მრავალმხრივი კრედიტორების წინაშე დავალიანება 6,215,250 ათასი დოლარია, ანუ 17,875,681 ათასი ლარი.
საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), აზიის ინფრასტრუქტურის საინვესტიციო ბანკი (AIIB), ევროპის საინვესტიციო ბანკი (EIB), რეკონსტრუქციის და განვითარების განვითარების საერთაშორისო ბანკი (IBRD).
უახლესი
