რა ცვლილებები ამოქმედდება მართვის მოწმობის გამოცდებზე 1-ელი სექტემბრიდან - დეტალები
19-08-2023 14:20:38
მართვის მოწმობის გამოცდაზე, პრაქტიკული ნაწილის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.
შესაბამისი ცვლილება შინაგან საქმეთა მინისტრის ბრძანებითაა გათვალისწინებული და ის 2023 წლის 1-ელი სექტემბრიდან ამოქმედდება.
მოთხოვნა გულისხმობს გამომცდელის დავალების შესაბამისად სატრანსპორტო საშუალების ტექნიკურ გამართულობასთან დაკავშირებით დასმულ კითხვებზე მძღოლობის კანდიდატის მიერ პასუხის გაცემას ვიზუალურად ჩვენებით, შესაბამისი ხელსაწყოს გამოყენებით ან სხვა მოქმედებით ან/და ზეპირად.
სატრანსპორტო საშუალების ტექნიკური გამართულობის შემოწმებასთან დაკავშირებით გამომცდელის მიერ მძღოლობის კანდიდატისათვის შერჩევითად შეიძლება შემდეგი დავალებები მისცენ:
„B“ კატეგორიის საგამოცდო ავტომობილზე:
- განმარტოს, როგორ მოწმდება ძრავში ზეთის აუცილებელი დონის არსებობა
- განმარტოს, როგორ მოწმდება რეზერვუარში სამუხრუჭო სითხის აუცილებელი დონის არსებობა
- განმარტოს, როგორ მოწმდება მუშა მუხრუჭის გამართულობა
- განმარტოს, როგორ მოწმდება სადგომი მუხრუჭის გამართულობა
- განმარტოს, სად მოიძიება ინფორმაცია საბურავებში რეკომენდებული ჰაერის წნევის შესახებ
- განმარტოს, როგორ მოწმდება უსაფრთხო მოძრაობისათვის საბურავების საერთო მდგომარეობა
- განმარტოს, როგორ მოწმდება დამუხრუჭების სიგნალების გამართულობა
- განმარტოს, როგორ მოწმდება საჭის გამაძლიერებლის გამართულობა
- განმარტოს, როგორ მოწმდება ძრავის გაგრილების სისტემაში გამაგრილებელი სითხის აუცილებელი დონის არსებობა
- განმარტოს, როგორ მოწმდება მოხვევის შუქ-მაჩვენებლების მუშაობის გამართულობა
- განმარტოს, როგორ მოწმდება ფარებისა და შუქამრეკლების მწყობრში ყოფნა
- განმარტოს, როგორ მოწმდება მუშაობს თუ არა საავარიო შუქსიგნალიზაცია
- განმარტოს, როგორ მოწმდება მინამრეცხის რეზერვუარში სითხის დონე
- განმარტოს, როგორ მოწმდება საბურავები, რათა დარწმუნდეს მათში რეკომენდებული ჰაერის წნევის არსებობაში
- განმარტოს, როგორ მოწმდება საბურავები, რათა დარწმუნდეს პროტექტორის ნახატის საკმარისი სიმაღლის არსებობაში
- აჩვენოს, სად მოწმდება ძრავის გაგრილების სისტემაში გამაგრილებელი სითხის დონე
- აჩვენოს, სად მდებარეობს მინამრეცხის რეზერვუარი
- აჩვენოს, როგორ მოწმდება ხმოვანი სიგნალის გამართულობა
- აჩვენოს, სად მოწმდება ძრავში ზეთის დონე
- აჩვენოს, სად მდებარეობს სამუხრუჭე სითხის რეზერვუარი
„BE“ კატეგორიის საგამოცდო ავტომობილზე:
- განმარტოს, როგორ უნდა დაიტვირთოს და დამაგრდეს ტვირთი უსაფრთხოდ მისაბმელზე
- განმარტოს, როგორ მოწმდება საბურავები, რათა დარწმუნდეს პროტექტორის ნახატის საკმარისი სიმაღლის არსებობაში
- განმარტოს, როგორ მოწმდება საბურავები, რათა დარწმუნდეს საბურავების საერთო მდგომარეობის უსაფრთხოებაში
- განმარტოს, როგორ მოწმდება ძრავის გაგრილების სისტემაში გამაგრილებელი სითხის აუცილებელი დონის არსებობა
- განმარტოს, როგორ მოწმდება სადგომი მუხრუჭის გამართულობა
- აჩვენოს, როგორ მოწმდება ხმოვანი სიგნალის გამართულობა
- აჩვენოს, სად მოწმდება ძრავის გაგრილების სისტემაში გამაგრილებელი სითხის დონე
- აჩვენოს, როგორ მოწმდება, არის თუ არა სატრანსპორტო საშუალების და მისაბმელის კარი სანდოდ და უსაფრთხოდ დაკეტილი
„C“ და „D“ კატეგორიების/„C1“ და „D1“ ქვეკატეგორიების საგამოცდო ავტომობილებზე:
- განმარტოს, უსაფრთხოების ძირითადი ფაქტორები, რომელიც გათვალისწინებული უნდა იქნეს სატრანსპორტო საშუალების დატვირთვის დროს
- განმარტოს, როგორ მოწმდება შუქამრეკლების გამართული მუშაობა
- განმარტოს, როგორ მოწმდება საქარე მინისა და ფანჯრების მდგომარეობა
- განმარტოს, როგორ მოწმდება საშხეფარების (ფრთები) გამართულობა სატრანსპორტო საშუალებაზე
- განმარტოს, როგორ მოწმდება საბურავები, რათა დარწმუნდეს მათში რეკომენდებული ჰაერის წნევის არსებობაში
- განმარტოს, როგორ მოწმდება საბურავები, რათა დარწმუნდეს პროტექტორის ნახატის საკმარისი სიმაღლის არსებობაში
- განმარტოს, როგორ მოწმდება საბურავები, რათა დარწმუნდეს საბურავების საერთო მდგომარეობის უსაფრთხოებაში
- განმარტოს, როგორ მოწმდება მინამრეცხის მდგომარეობა
- განმარტოს, როგორ მოწმდება ავტომობილის ძარის გამართულობა
- განმარტოს, როგორ მოწმდება ჰაერის სათანდო წნევა სამუხრუჭე სისტემაში
- განმარტოს, როგორ მოწმდება ძრავში ზეთის აუცილებელი დონის არსებობა
- განმარტოს, როგორ მოწმდება, რომ თვლების ქანჩები სათანადოდ არის მოჭერილი
- განმარტოს, როგორ მოწმდება სატრანსპორტო საშუალების დაკიდების სისტემის მდგომარეობა
- განმარტოს, როგორ მოწმდება დამუხრუჭების სიგნალების გამართულობა
- განმარტოს, როგორ მოწმდება ძრავის გაგრილების სისტემაში გამაგრილებელი სითხის აუცილებელი დონის არსებობა
- განმარტოს, როგორ მოწმდება ფარების მწყობრში ყოფნა
- განმარტოს, როგორ გამოიყენებს მოცემული სატრანსპორტო საშუალების ამწე მექანიზმს
- განმარტოს, როგორ მოწმდება საჭის გამაძლიერებლის გამართულობა
- განმარტოს, როგორ მოწმდება მოხვევის შუქ-მაჩვენებლების მუშაობის გამართულობა
- განმარტოს, როგორ მოწმდება მოხვევის შუქ-მაჩვენებლების მუშაობის გამართულობა
- განმარტოს, საზომ-საკონტროლო ხელსაწყოების დაფაზე რა უნდა შემოწმდეს ძრავის ჩართვამდე
- განმარტოს, საზომ-საკონტროლო ხელსაწყოების დაფაზე რა მაჩვენებელი უნდა შემოწმდეს ძრავის ჩართვის შემდეგ
- აჩვენოს, სად მდებარეობს მინამრეცხის რეზერვუარი
- აჩვენოს, როგორ მოწმდება, რომ სატრანსპორტო საშუალების ყველა კარი, მათ შორის, სატვირთო განყოფილების კარი, არის დახურული
- აჩვენოს, როგორ მოწმდება, არის თუ არა საჰაერო სისტემაში გაჟონვა
- აჩვენოს, სად მოწმდება ძრავის გაგრილების სისტემაში გამაგრილებელი სითხის დონე
- აჩვენოს, ტაქოგრაფში როგორ გამოცვლის მონაცემების აღრიცხვის მატარებელს
- აჩვენოს, სად მოწმდება ძრავში ზეთის დონე
შეგახსენებთ, რომ სატრანსპორტო საშუალების მართვის უფლების მისაღები პრაქტიკული გამოცდის მეორე ეტაპი 2022 წლის 25 აპრილიდან ამოქმედდა.
