რა სავაჭრო ურთიერთობები აქვთ საქართველოსა და უზბეკეთს

2023 წლის იანვარ-მაისში საქართველომ უზბეკეთში ექსპორტზე 38,314.77 ათასი დოლარი პროდუქცია გაიტანა, რაც 1,5%-ით მეტია გასული წლის ანალოგიური პერიოდის მაჩვენებლებზე.

საქსტატის მონაცემებით, 2022 წლის 5 თვეში საქართველოდან უზბეკეთი გატანილი პროდუქციის ექსპორტმა 37,737.89 ათასი დოლარი შეადგინა.

2022 წელს საქართველოდან უზბეკეთში ექსპორტმა თავის ისტორიულ მაქსიმუმს მიაღწია - 111,103.88 ათასი დოლარი.

რას ყიდის საქართველო უზბეკეთში: 

• სამკურნალო საშუალებები დაფასოებული - 19,657.00 ათასი დოლარი;
• მინერალური და მტკნარი წყლები - 3,428.88 ათასი დოლარი;
•  სამარჯვები ორთოპედიული; სხეულის ხელოვნური ნაწილები - 2,919.83 ათასი დოლარი;
• სიგარები, სიგარილები და სიგარეტები თამბაქოს ან მისი შემცვლელებისაგან - 2,105.24 ათასი დოლარი;

რაც შეეხება იმპორტს, მიმდნარე მაჩვენებლები 31.5%-იან ზრდას აჩვენებს. 2023 წლის იანვარ-მაისში საქართველომ უზბეკეთიდან 21,488.13 ათასი დოლარის პროდუქცია იყიდა, ხოლო 2022 წლის ანალოგიურ პერიოდში 16,336.35 ათასი დოლარის.

უზბეკეთიდან იმპორტის კუთხითაც რეკორდული 2022 წელი იყო - 49,040.21 ათასი დოლარი.

რას ყიდულობს საქართველო უზბეკეთიდან: 

• მავთული სპილენძისა - 7,538.29 ათასი დოლარი,
• სიგარები, სიგარილები და სიგარეტები თამბაქოს ან მისი შემცვლელებისაგან  -3,474.05 ათასი დოლარი,
• პარკოსანი ბოსტნეული გამხმარი - 1,831.83 ათასი დოლარი,
• სამკურნალო საშუალებები დაფასოებული - 1,698.67 ათასი დოლარი,
• პოლიმერები ეთილენისა, პირველადი ფორმებით -1,582.79 ათასი დოლარი.

​​​​​რაც შეეხება ფულად გზავნილებს, უზბეკეთიდან საქართველოში წლიური ჭრილში ეს მონაცემი -25.73%-ით შემცირდა. ივნისში უზბეკეთიდან საქართველოში $1.10 მილიონი გადმოირიცხა. 

შეგახსენებთ, რომ დღეს საქართველოში უზბეკეთის პრემიერ-მინისტრი ოფციალური ვიზიტით ჩამოვიდა.