ყველა ლოგიკური პარამეტრით ბაზარზე უძრავი ქონების ფასის ზრდა იქნება - ლევან ფხაკაძე

ყველა ლოგიკური პარამეტრით ბაზარზე უძრავი ქონების ფასის ზრდა იქნება, მაგრამ არა ისეთი ნახტომით, რაც იყო 2022-2023 წლებში, - ამის შესახებ განცხადებას დეველოპერული კომპანია „ბიოგრაფი ლივინგის“ დამფუძნებელი ლევან ფხაკაძე აკეთებს. მისი განმარტებით, უძრავი ქონების ფასებს რამდენიმე ფაქტორი განსაზღვრავს და 

„საცხოვრებელი ტიპის უძრავი ქონების ფასი დამოკიდებულია რამდენიმე ფაქტორზე. პირველი მაჩვენებელი არის მიწის ღირებულება, რომელიც ვიცით, რომ იზრდება იქიდან გამომდინარე, რომ მიწა ხდება ძალიან დეფიციტური და პრაქტიკულად თბილისის ცენტრალურ უბნებში მიწა, როგორც თავისუფალი აქტივი აღარ არსებობს. მეორე განმსაზღვრელი ფაქტორი, ეს არის რეგულაციები და ეს რეგულაციები ბუნებრივია, რომ უფრო და უფრო მომთხოვნი გახდება. მივდივართ იქითკენ, რომ ჩვენ ვიმუშავებთ იმ რეგულაციებით, რომელიც არსებობს ევროკავშირში და რომელიც რა თქმა უნდა გააძვირებს პროდუქტს, მაგრამ ამავდროულად ეს პროდუქტი იქნება ხარისხიანი. მესამე ფაქტორი, არის სამშენებლო მასალები, რომელიც ბოლო წლებში არსებული ინფლაციის ფონზე მათმა ღირებულებამ ძალიან მოიმატა. ასე, რომ ყველა ლოგიკური პარამეტრით მინდა ვთქვათ, რომ უძრავი ქონების ფასის ზრდა იქნება ბაზარზე, მაგრამ არა მგონია იყოს ისეთი ნახტომი, რაც იყო 2022-2023 წლებში“, - აცხადებს ლევან ფხაკაძე.