QooQy Bakery ბაზარს 4 სახეობის პასკას შესთავაზებს

QooQy Bakery • ქუქი ბეიქერი სააღდგომოდ ბაზარს 4 სახეობის პასკას შესთავაზებს. როგორც Business Insider Georgia-სთან QooQy Bakery-ის გაყიდვების დეპარტამენტის ხელმძღვანელმა ნია ნინუამ განაცხადა, მომხმარებლებისთვის პასკების შეთავაზება მიმდინარე კვირიდან დაიწყება.

„მიმდინარე კვირის განმავლობაში პასკები უკვე გაყიდვაში გვექნება. სულ გვექნება პასკის 4 სახეობა: კლასიკური პასკა ორნაირი წონით, ასევე გვექნება ციტრუსის პასკა, ორი სხვადასხვა წონით და წელს დაგვემატება იტალიური პანეტონეები, რომელიც იქნება ორი სახეობის: ციტრუსის და შოკოლადის. 

QooQy Bakery-ის პასკის ფასი იწყება 21 ლარიდან. ჩვენთან ყველაზე ძვირი არის პანეტონე, რომლის ფასიც 65 ლარი იქნება“, - აცხადებს QooQy Bakery-ის გაყიდვების ხელმძღვანელი. 

ირკვევა, რომ წელს QooQy Bakery-ის პასკები გარდა QooQy Bakery-ის ფილიალებისა, წარმოდგენილი იქნება Europroduct-ის ქსელში და ასევე Wolt Market-ზე. 

„გასულ წელს აღდგომის დღესასწაულთან დაკავშირებით რა გათვლებიც გვქონდა გამართლდა. წელს მიმდინარე სიტუაციიდან გამომდინარე დიდ ზრდას არ ველოდებით. შემოსავლებთან დაკავშირებით კლება გვაქვს, თუმცა წელს ჩვენი პასკები წარმოდგენილი იქნება ორ სხვა პლატფორმაზეც, ეს არის Wolt Market-ი და ასევე  Europroduct-ის ქსელში. ამიტომ ეს ყველაფერი გვაძლევს იმის თქმის საშუალებას, რომ წელს მეტ პასკას ვაწარმოებთ და გავყიდით“, - ამბობს ნია ნუნუა. 

ამ დროისათვის QooQy Bakery-ის ბრენდის ქვეშაა კაფე-საკონდიტრო და სახაბაზო, სადაც  200-ზე მეტი სახეობის ორცხობილა, არტიზანული პურ-ფუნთუშეული, ტორტი, დესერტი, ვეგანური პროდუქცია მზადდება და ყავის და ცივი სასმელების დაგემოვნებაა შესაძლებელი.

QooQy Bakery თბილისში 4 ფილიალითაა წარმოდგენილი. ბრენდი ადგილობრივ ბაზარზე 2021 წლიდან ოპერირებს.