ნამიბია - ქართული ლოკოკინის ახალი საექსპორტო ბაზარი

ბოლო ერთი წლის განმავლობაში ლოკოკინების ექსპორტი 81%-ითაა გაზრდილი. საქსტატის ინფორმაციით, 2024 წლის იანვარ-ოქტომბერში საქართველოდან 1,533.42 ათასი დოლარის ღირებულების 248.81 ტონა ლოკოკინებია (ლიპარისის გარდა) ექსპორტირებული, 2023 წლის 10 თვეში კი 137.16 ტონა.

ქართული კოკოკინასთვის ნომერ პირველი საექსპორტო ბაზარი საფრანგეთია. სწორედ საფრანგეთზე მოდის ლოკოკინას ექსპორტის 56%-ი. საგულისხმოა, რომ 2024 წლის 10 თვეში ლოკოკინა ექსპორტზე 4 ქვეყანაში გავიდა.

• საფრანგეთი - 138.88 ტონა,
• თურქეთი - 88.11 ტონა,
• ნამიბია - 18.00 ტონა,
• იტალია - 3.82 ტონა.

აღსანიშნავია, რომ საქსტატის საიტზე განთავსებული ინფორმაციის მიხედვით, საქართველოდან ლოკოკინას ექსპორტი 2022 წლიდან ფიქსირდება.

• 2022 წელი - 44.30 ტონა,
• 2023 წელი - 151.46 ტონა,
• 2024 წელი (10 თვე) - 248.81 ტონა.