საქართველოს ეკონომიკის მინისტრის ლევან დავითაშვილის განცხადებით, ნამახვანჰესის პროექტი სახელმწიფოს ჩართულობით განხორციელდება, ინტენსიური დიალოგით ადგილობრივ მოსახლეობასთან.
„ნამახვანჰესთან დაკავშირებით იცით, რომ აქ ხელშეკრულება შეწყდა და პროექტი სახელმწიფოს ინტენსიური ჩართულობით განხორციელდება და ინტენსიური დიალოგით მათ შორის ადგილობრივ მოსახლეობასთან, რათა კომუნიკაცია სწორად მოხდეს. პროექტს არ აქვს არანაირი გარემოსდაცვითი, სამშენებლო და სხვა რისკი და ძალიან დიდი მნიშვნელობა გააჩნია ენერგეტიკისა და ეკონომიკისთვის“, - განაცხადა მინისტრმა.
შეგახსენებთ, რომ 2022 წლის სექტემბერში ENKA Renewables-მა, რმელიც ნამახვანჰესს აშენებდა საქართველოს სახელმწიფოთან არსებულ ხელშეკრულება გაწყვიტა.
„ჩვენი კომპანია, რომელიც 90%-ს ფლობს, ENKA Renewables-ი საქართველოს აცნობებს, რომ წყვეტს ნამახვანჰესის აშენებასთან, განვითარებასთან და ფლობასთან დაკავშირებულ ხელშეკრულებას საქართველოსთან. ამის მიზეზად ასახელებს კონტრაქტით გათვალისწინებული პირობების დარღვევასა და ფორს-მაჟორს“, - ნათქვამი იყო კომპანიის განცხადებაში.
მალევე კი საქართველოს მთავრობამ დააანონსა, რომ ჰესს თავად ააშენებდნენ.
