მსოფლიო ბაზარზე ყავის ფასი ახალ რეკორდულ ნიშნულზეა

2024 წლის ნოემბრის ბოლოს არაბიკას ყავის ფასმა მიაღწია უმაღლეს დონეს ბოლო 47 წლის განმავლობაში და ნიუ-იორკის საფონდო ბირჟაზე ფასი 3,9%-ით გაიზარდა. ამის შესახებ Bloomberg იტყობინება. 

როგორც აღინიშნა, მსოფლიო ბაზარზე ყავის უმსხვილესი მწარმოებლები არიან ბრაზილია და ვიეტნამი. ბრაზილია ახორციელებს უპირატესად მაღალი ხარისხის არაბიკას მარცვლების ექსპორტს, ხოლო ვიეტნამი არის ბაზრის ლიდერი იაფი რობუსტას მარცვლების ექსპორტში.

„ყავაზე ფასები იზრდება, ნაწილობრივ, ამინდის გავლენის გამო: „ყავის სარტყელს“ ჯერ გვალვა დაარტყა, შემდეგ კი წვიმა მოვიდა მოსავლის აღებისას“, - განმარტავენ სააგენტოში.

გარდა ამისა, ფასებზე გავლენას ახდენს ისეთი ფაქტორები, როგორიცაა გლობალური ლოგისტიკური პრობლემები, გაზრდილი მოთხოვნა და გეოპოლიტიკური არასტაბილურობა, რაც ზრდის ყავის დეფიციტს მსოფლიო ბაზარზე.

ყავის მსოფლიო ფასების ზრდამ უკვე იმოქმედა ევროპულ ბაზარზე. ამრიგად, მიმდინარე წლის ზაფხულში საცალო ფასები გაიზარდა 10%-ით, ხოლო ყავის მაღაზიებში 5-15%-ით.

ვაჭრობის მონაცემებით, ნოემბერში არაბიკას ყავაზე სავალუტო ფასებმა 2011 წლიდან მოყოლებული ახალ რეკორდულ დონეს მიაღწია. ამრიგად, მარტის ფიუჩერსების ღირებულება გაიზარდა 2,5%-ით – 3,107 დოლარამდე ფუნტზე, ანუ დაახლოებით 6,8 ათას დოლარამდე ტონაზე.

ყავა რობუსტას იანვრის ფიუჩერსების ფასი 6,54%-ით გაიზარდა და ტონაზე 5,3 ათასი დოლარი შეადგინა.

მსოფლიო ბაზარზე არაბიკა აპრილიდან სექტემბრამდე ყოველთვიურად ძვირდებოდა, სექტემბერში მისმა ღირებულებამ ტონაზე 6 ათას დოლარს მიაღწია. ოქტომბერში ფასი შემცირდა თითქმის 10%-ით, მაგრამ ნოემბრის დასაწყისიდან კვლავ დაიწყო ზრდა - თითქმის 24%-ით.