ევროპარლამენტის მიერ მიღებულ „საქართველოში პოლიტიკური ვითარების კიდევ უფრო გაუარესების შესახებ” რეზოლუციას გამოეხმაურა დღეს „იმედის დილაში“ რუბრიკა Business Insider Georgia-ში Business Insider Georgia-სა და ეკონომიკური ფორუმის დამფუძნებელი გიორგი აბაშიშვილი და განაცხადა, რომ აბსოლუტურად გაუმართლებელია და მიუღებელია ევროპარლამენტის მხრიდან საქართველოს დამოუკიდებელ მარეგულირებელზე, საქართველოს ეროვნულ ბანკზე ზეწოლა.
„ვნახეთ ევროპარლამენტის მორიგი სარეკომენდაციო რეზოლუცია, თუმცა უკვე იმდენი რეზოლუციაა. მე პირადად გამიხარდება რომელი რომელია და რომელი რა შინაარსის არის. მაგრამ ფაქტია სიიდან გამომდინარე ვიგებთ ვინ არის “საქართველოს პრეზიდენტი“, წინა რომ გამოსაშვებია საიდანღაც. ის რეზოლუცია თუ შესრულდა და წინა პრეზიდენტი გამოვიდა, მერე ევროპარლამენტს მოუწევს ახალი რეზოლუციის მიღება, რომ სააკაშვილიდან და ზურაბიშვილიდან უნდა აირჩიონ რომელს შემოგვთავაზებენ პრეზიდენტად. თუმცა უფრო შორსაც შეგვიძლია წავიდეთ, საქართველოს ისტორიაში ბევრი სადაო საკითხია. ქართველები ზოგადად ასე საჯაროდ არ ვდავობთ და ისტორიის რევიზიას არ ვახდენთ, მაგრამ სუფრაზე, ქუჩაში, სხვადასხვა შინაურულ დისკუსიაში ხშირად ვკამათობთ ამა თუ იმ მეფის გადაწყვეტილებებზე. მე ვფიქრობ, რომ ძალიან მნიშვნელოვანი იქნება ევროპარლამენტის შემდგომი რეზოლუცია დაგვეხმაროს მთელ რიგ საკითხებთან დაკავშირებით, მაგალითად, პრეზიდენტებს, რომ ვითომ გვინიშნავენ, ორ მეფობის თემა იქნებ გავარჩიოთ: დავით ულუ, დავით ნარინი. შესაბამისად შემდეგ რეზოლუციაში მე ვთავაზობ ქართულ ოპოზიციას, რომ საქართველოს მხრიდან ევროპარლამენტს შესთავაზოს რეზოლუციის მიღება მეფეებთან დაკავშირებით. იმიტომ, რომ რამდენიმე რეზოლუციის მიღება საქართველოს შემდგომ საპარლამენტო არჩევნებამდე, 2028 წლამდე მოგიწევთ და ამიტომ თემატიკა, რომ არ გამოილიოს, შეგვიძლია მეფეებზე გადავიდეთ. ჩავყვეთ ისტორიას და ვნახოთ, რა გამოვა ამ ნაწილში.
თუმცა კიდევ ერთი სერიოზული საკითხი, ახლა უკვე სრულიად სერიოზულად, აბსოლუტურად გაუმართლებელია და აბსოლუტურად მიუღებელია ევროპარლამენტის მხრიდან საქართველოს დამოუკიდებელ მარეგულირებელზე, საქართველოს ეროვნულ ბანკზე ზეწოლა. გამაოგნებელია ფაქტი, როდესაც ხდება საქართველოს ეროვნული ბანკის პრეზიდენტის რეზოლუციაში სარეკომენდაციოდ დასანქცირებისკენ მოწოდება. ეს არის სრულიად წარმოუდგენელი, ვინაიდან როდესაც ვსაუბრობთ დამოუკიდებელ მარეგულირებელზე, სებ-ზე, ჩვენ ერთი რამ უნდა გავითვალისწინოთ. მინდა ყიჟინას აყოლილ ქართველებს ვუთხრა, რომელთა მხრიდანაც მოხდა ამ თემის ინსპირირება და შემდგომ, მათ გამარჯვებად აფასებენ.
ევროკავშირის არც ერთი თავმოყვარე ქვეყანა საკუთარ ცენტრალურ ბანკზე პოლიტიკურ ნაწილში, პროფესიული დისკუსია რამდენიც გნებავთ, აუგს არავის არ ათქმევინებს. იმიტომ, რომ ცენტრალური ბანკი ყოველთვის არის ქვეყნის უმნიშვნელოვანესი ინსტიტუტი. ბევრ პროფესიულ დისკუსიას ნახავთ მათ შორის ცალკეულ ცენტრალურ ბანკებზე, ევროპის ვენტრალურ ბანკზეც. მაგრამ ვერსად ვერ ნახავთ ევროპის ვენტრალური ბანკის შემთხვევაში სერიოზულ პოლიტიკურ ზეწოლას. აი ამ ნაწილის ინსპირირება მოახდინეთ და ეს ნაწილი გიხარიათ. უფრო მეტიც, წითელი ხაზია მთელ რიგ ქვეყნებში, ცენტრალურ ბანკებზე პოლიტიკურ საკითხებზე კამათისთვის. დღემდე პოლონეთში პრობლემურ ნაწილად ითვლება, უკვე გარდაცვლილი პრეზიდენტის კაჩინსკის და იმ პერიოდშიც რომ პრემიერი იყო და ახლაც პრემიერია, ბატონო ტუსკი - მათ შორის კამათი პოლონეთის ცენტრალურ ბანკთან დაკავშირებით და აქ პოლიტიკური ზეწოლის ელემენტები. წარმოუდგენელია ასე მიზანმიმართულად და პოლიტიკურად ვაზიანებდეთ ჩვენს ცენტრალურ ბანკს. არ უნდა დაგვავიწყდეს ვინ არიან ის ადამიანები, როგორ მოხვდა ევროპარლამენტში საქართველოს ცენტრალური ბანკზე, სებ-ზე ეს ჩანაწერი და ამ ნაწილისკენ მოწოდება. ეს ადამიანები ძირითად შემთხვევაში სებ-ს და მის პრეზიდენტს აკრიტიკებენ, არიან ყოფილი პრეზიდენტი, სხვა დანარჩენ შემთხვევაში ადამიანები, რომლებიც მონაწილეობდნენ „ქართუ ბანკის“ გაკოტრების პროცესში. აი ის ადამიანები, რომლებიც ქართუ ბანკის გაკოტრების პროცესში მონაწილეობდნენ და შესაბამისად მზად იყვნენ, რომ სებ-ი პროკურატურის დეპარტამენტად გადაექცათ და დღეს ეს ადამიანები აკრიტიკებენ საქართველოს ეროვნულ ბანკს, „ქართუ ბანკის“ გამოკრიტიკებლები. ის ადამიანები, რომელიც დღეს საქართველოს საბანკო სისტემას აკრიტიკებენ, იმ საბანკო სისტემას, რომელმაც ყველა გამოწვევას გაუძლო, ეს ადამიანები დღეს აკრიტიკებენ სებ-ის პრეზიდენტს, რომელსაც მსოფლიოში ყველაზე ავტორიტეტულმა საერთაშორისო საფინანსო ინსტიტუტმა - სსფ-მ არჩევა მიულოცა და თანამშრომლობის სურვილი გამოთქვა. ეს ადამიანები აკრიტიკებენ სებ-ის იმ პრეზიდენტს, რომელმაც სულ ბოლოს, ერთ-ერთ ყველაზე მნიშვნელოვან სარეიტინგო სააგენტოს S&P განსაკუთრებულად, სტაბილურად შეაფასა. ამ პერიოდის განმავლობაში ეს ადამიანები აკრიტიკებენ სებ-ის იმ პრეზიდენტს და სებ-ის იმ პრეზიდენტის დასანქცირებას მოითხოვენ, რომლის მმართველობის პერიოდშიც არის მიზნობრივზე დაბალი ინფლაცია, მიუხედავად რთული პოლიტიკური, ტურბულენტური სიტუაციისა. ზუსტად იმართა რეზერვები და გვაქვს სტაბილური ფისკალური და მონეტარული პოლიტიკა ჯამში, კოორდინაციით საქართველოს მთავრობასთან. ამ პერიოდის განმავლობაში არც ერთი საერთაშორისო საფინანსო ინსტიტუტის მხრიდან პოზიტიურის გარდა საქართველოს ეროვნულ ბანკის მოქმედებაზე არ თქმულა. სებ-ი არის ის დამოუკიდებელი და ძლიერი მარეგულირებელი, რომელიც ზუსტად, ზედმიწევნით იცავს საერთაშორისო სანქციებს. დიახ, სებ-ის იყო ის სახელმწიფო ინსტიტუტი, რომელმაც მათ შორის ვითიბი ბანკის ნაწილში პირველმა მიიღო აქ, ამ ქვეყანაში გადაწყვეტილება და უკიდურესად ზედმიწევნით იცავს საერთაშორისო სანქციებს.
მაგრამ ეს არის პრობლემა, არავის არ სურს, რომ დამოუკიდებელი, ძლიერი სებ-ი და დამოუკიდებელი და ძლიერი სებ-ის პრეზიდენტი. მისი დანიშვნა ოფიციალურად პრეზიდენტად, დიახ ვერ აიტანეს. მე მინდა კიდევ ერთხელ წარმატებები ვუსურვო ქალბატონ ნათიას. ცენტრალური ბანკის პრეზიდენტობა ასეთ უსამართლო პოლიტიკურად მოტივირებულ შეტევებთან, ალბათ ხშირად იქნება დაკავშირებული, მაგრამ სამწუხაროდ იმ ადამიანებისა, ყოფილი პროკურორების, სებ-ის ყოფილი პრეზიდენტების და ასე შემდეგ. ამ ადამიანების უსაფუძვლო კრიტიკას და ხშირ შემთხვევაში შეგნებულ მავნებლობას, რაღაცა ფორმით ხან იუმორით, ხან სერიოზული პასუხებითაც უნდა გავუძლოთ“, - აღნიშნა აბაშიშვილმა.
უახლესი
